მთავარი აჭარა გურია იმერეთი კახეთი სამეგრელო სამცხე-ჯავახეთი ქვემო ქართლი შიდა ქართლი
დიდთოვლობის გამო მთიანი აჭარის 100-ზე მეტ სოფელს ელექტროენერგია არ მიეწოდება

მაღალმთიან აჭარაში, ხულოს და შუახევის მუნიციპალიტეტებში გადაუღებლად თოვს. თოვლის საფარმა სოფლებში 1.5 მეტრს მიაღწია. ხულოს, შუახევისა და ქედის მუნიციპალიტეტების 100-მდე სოფელს ელექტროენერგია არ მიეწოდება.

დიდთოვლობის გამო სასწავლო პროცესი შეწყდა ხულოს მუნიციპალიტეტის 43, შუახევის 28 და ქედისმუნიციპალიტეტის ერთ საჯარო სკოლაში. მუშაობა შეწყვიტეს საბავშვო ბაღებმაც.

ხულოს მუნიციპალიტეტის მერის გოჩა მელაძის განცხადებით, მუნიციპალიტეტში სამაშველო სამსახური და სპეცტექნიკა მობილიზებულია, რომ სოფლებთან მისასვლელი გზები არ ჩაიკეტოს და საჭიროების შემთხვევაში მოსახლეობა სასწრაფო სამედიცინო დახმარების გარეშე არ დარჩეს.

დიდთოვლობაა შუახევის მუნიციპალიტეტშიც. თოვლმა სოფლებში მისასვლელი გზები ჩაკეტა. შუახევის მერის ფრიდონ ფუტკარაძის განცხადებით, გაწმენდითი სამუშაოები დილიდან მიმდინარეობს. 35 კვ-იანი ელექტროგადამცემი ხაზების დაზიანების გამო ელექტროენერგია არ მიეწოდება მთლიან მუნიციპალიტეტს.

აჭარის ტელევიზიის ინფორმაციით, მეწყერი ჩამოვიდა ქედის მუნიციპალიტეტის სოფლებში ზვარესა და გობრონეთში, რის გამოც ბათუმი ახალციხის მაგისტრალზე ავტომობილების მოძრაობა შეიზღუდა.

ქედის მუნიციპალიეტეტის მერის მოადგილის, როლანდ ბერიძის თქმით, გზის გაწმენდაზე საგზაო დეპარტამენტის 17 ერთეული ტექნიკა მუშაობს და ავტოტრანსპორტის მოძრაობა დღის ბოლომდე ყველა მიმართულებით აღდგება.დიდთოვლობისგან შექმნილი პრობლემების გამო ელექტროენერგიის გარეშეა დარჩენილი 10-ზე მეტი სოფელი ქედის მუნიციპალიტეტშიც. სასწავლო პროცესი შეწყდა ერთ სკოლაში.

გარემოს ეროვნული სააგენტოს პროგნოზით, 9 დეკემბრიდან დასავლეთ საქართველოში უნალექო ამინდი იქნება და ჰაერის ტემპერატურა მოიმატებს.

 

წყარო: reginfo.ge



09.12.2017
ინფორმაცია მოწოდებულია:
სტატიაში გამოქვეყნებულ მასალაზე პასუხისმგებელია ავტორი გაზეთი.
ინფორმაციის გავრცელებას უზრუნველყოფს სააგენტო REGIONS.GE
ბეჭდვა გავუგზავოთ მეგობარს კომენტარის დამატება  

© 2009 REGIONS.GE, ფაბლისითი ჯგუფი, ყველა უფლება დაცულია.   დამზადებულია: Pro-Service
საიტი შეიქმნა ფონდის "ღია საზოგადოება - საქართველო" მხარდაჭერით და დაფინანსებით
საიტის ტექნიკური მხარდაჭერა განახორციელა აშშ-ს საელჩომ საქართველოში.
Cvenze reklama kontaqti
ამ საიტზე განთავსებული ნებისმიერი სიდიდის ინფორმაციის გამოყენება და გავრცელება
ნებადართულია მხოლოდ ამ საიტის და ავტორი გაზეთის, როგორც საინფორმაციო
წყაროდ მითითების შემთხვევაში.