მთავარი აჭარა გურია იმერეთი კახეთი სამეგრელო სამცხე-ჯავახეთი ქვემო ქართლი შიდა ქართლი
2012.12.17    უსახლკაროდ დარჩენილი მოხუცი დახმარებას ითხოვს
სპექტრი. უკვე რამდენიმე წელია კოლია გაბიტაშვილი გურჯაანის მუნიციპალიტეტის სოფელ ვეჯინში ფერმის შენობაში ცხოვრობს, რომლის სახურავიც ჯერ კიდევ გასულ ზამთარს დაზიანდა. ზაფხულში კი ძლიერმა ქარმა ის შიფრებიც დაამტვრია, რაც დიდთოვლობას გადაურჩა. როგორც მან ჩვენთან საუბარში აღნიშნა, იმის გამო, რომ წასასვლელი არსად აქვს, იძულებულია თავი იმ ერთ ოთახს შეაფაროს, რომლის ჭერიც ძალიან დაზიანებულია და შეიძლება ნებისმიერ დროს ჩამოიშალოს. მისივე თქმით, დახმარებისთვის სოფლის რწმუნებულს რამდენჯერმე მიმართა მაგრამ მისგან უარყოფითი პასუხი მიიღო.
2012.12.17    გარემოს დაცვის კომიტეტის გასვლითი სხდომა ლაგოდეხის ნაკრძალის 100 წლის იუბილეზე
სპექტრი. 13 დეკემბერს ლაგოდეხის ნაკრძალს 100 წლის იუბილეს აღსანიშნავად გარემოს დაცვის მინისტრი ხათუნა გოგალაძე, პარლამენტის გარემოს დაცვისა და ბუნებრივი რესურსების კომიტეტის წევრები და დაცული ტერიტორიების სააგენტოს უფროსი გიორგი შონვაძე ეწვივნენ. შეხვედრას ესწრებოდა ლაგოდეხის მუნიციპალიტეტის მაჟორიტარი დეპუტატი გიორგი გოზალიშვილი. ვიზიტის ფარგლებში მოეწყო ნაკრძალის `საუკუნოვანი ისტორიის ამსახველი ფოტოგამოფენა~ და ფილმის ჩვენება. ნაკრძალის ისტორიის შესახებ ისაუბრა დირექტორმა გიორგი სულამანიძემ.
2012.12.17    კიდევ ერთი კომისია სტიქიის შედეგად დაზარალებულთა დასახმარებლად
სპექტრი. გურჯაანის მუნიციპალიტეტის ახლად არჩეული ხელმძღვანელობა საკუთარი მოვალეობების შესრულებას თანამდებობების მორგებიდან მეორე დღესვე შეუდგა. გამგებლის მოვალეობის შემსრულებელი ჯონი ოსიაშვილი სტიქიის შედეგად დაზარალებული სოფლების რწმუნებულებს შეხვდა. 11-12 დეკემბერს კი მან რწმუნებულებთან ერთად რეგიონული განვითარებისა და ინფრასტრუქტურის სამინისტროს წარმომადგენლებს და მინისტრის მოადგილეს უმასპინძლა. შეხვედრაზე მთავრი სასაუბრო თემა კომისიის შექმნა, დაზარალებული ოჯახების მონიტორინგი და მოსახლეობისთვის კომპენსაციის გაცემა იყო.
2012.12.17    ახალი ინიციატივა _ ჟურნალისტთა ქსელის შექმნა
სპექტრი. გასულ კვირას ქ. თელავში დემოკრატიული ჩართულობის ცენტრში, საარჩევნო სისტემების საერთაშორისო ფონდმა (IFES) მრგვალი მაგიდა მოაწყო. შეხვედრის თემას წარმოადგენდა გენდერული თანასწორობა და ქალის პოლიტიკურად გაძლიერება. ღონისძიებას ესწრებოდნენ არასამთავრობო და მედიაორგანიზაციების წარმომადგენლები, პოლიტიკური პარტიების წევრები და სკოლის მოსწავლეები. გენდერული თანასწორობის ქსელის ხელმძღვანელმა მანანა მებუკემ `სპექტრთან~ შეხვედრის მიზანზე ისაუბრა.
2012.12.10    შერჩევითი გაზიფიცირება ახაშნელების უკმაყოფილებას იწვევს
სპექტრი. გურჯაანის მუნიციპალიტეტის სხვა სოფლების მსგავსად გაზიფიცირების სამუშაოები სოფელ ახაშენშიც მიმდინარეობს. თუმცა, როგორც მოსახლეობა აღნიშნავს, პროცესი შერჩევით ხორციელდება _ მაგისტრალი ცენტრალურ ქუჩებზე გაიყვანეს, უახლოეს დღეებში ბუნებრივი აირის გაშვებაც იგეგმება, გადამკვეთ უბნებზე კი სამუშაოები არც კი დაწყებულა. მათივე განმარტებით, მართალია, სოფლის დეპუტატი, იოსებ ჩიტიაშვილი `ორღობეში ცხოვრობს,~ მაგრამ მილები მაინც სახლამდე მიაყვანინა.
2012.12.10    კართუბნის საბავშვო ბაღის პრობლემების შესახებ ადგილობრივმა ხელმძღვანელობამ "სპექტრისგან" შეიტყო
სპექტრი. ლაგოდეხის მუნიციპალიტეტის სოფელ კართუბნის საბავშვო ბაღის ავარიული შენობა შესაძლოა ნებისმიერ დროს ჩამოიშალოს და აღსაზრდელები შიგ მოიყოლოს. მშობლებიც და დაწესებულების თანამშრომლებიც მის სასწრაფო რეაბილიტაციაზე საუბრობენ, თუმცა, როგორც `სპექტრმა~ გაარკვია, ადგილობრივი თვითმმართველობა აღნიშნულ საკითხთან დაკავშირებით ინფორმაციას არ ფლობს.
2012.12.10    დაზარალებული ვისელი ჯანიაშვილი დახმარების მოლოდინში
სპექტრი. სტიქიის შედეგად დაზარალებული ვისელი ჯანიაშვილი ამ დრომდე სახლის გადახურვას ითხოვს. როგორც კომისიის წევრები მბობენ, შენობა სიძველის გამოა დაზიანებული, ამიტომ სახურავს სრულად ვერ აღადგენენ და ხარჯთარღიცხვის საფუძველზე მხოლოდ ფულად კომპენსაციას გასცემენ. მეზობლები თქმით კი, ვისელი ჯანიაშვილი ამ პრობლემას საკუთარი ძალებით ვერ მოაგვარებს.
2012.12.03    ვაჩნაძიანში უხარისხოდ შესრულებულ სამუშაოებს კომპანია თავად გამოასწორებს
სპექტრი. კახეთში მოვარდნილი სტიქიის შემდეგ უკვე 5 თვე გავიდა, მაგრამ სოფელ ვაჩნაძიანის მოსახლეობის დიდ ნაწილს დღემდე გაუსაძლის პირობებში უწევს ცხოვრება. ადგილობრივების თქმით, სამუშაოები უხარისხოდ შესრულდა, რადგან ახლადდაფარებული სახურავებიდან წყალი ჩამოდის. ისინი იმასაც ამბობენ, რომ დახმარება არასწორად განაწილდა. მიუხედავად ამისა, ვაჩნაძიანის ტერიტორიული ორგანოს რწმუნებული მოსახლეობის უკმაყოფილების მიზეზს ვერ ხვდება.
2012.12.03    ნაგავსაყრელებთან დაკავშირებული პრობლემები კვლავ დღის წესრიგში დგას
სპექტრი. საგარეჯოს მუნიციპალიტეტის სოფელ ლამბალოს ხევი წლებია უკვე დაბინძურებულია. როგორც ადგილობრივი ამზარ ბაირამოვი ამბობს, იმის გამო, რომ სოფელში არც კანონიერი ნაგავსაყრელია და არც ნაგის მანქანა დადის, იძულებულები არიან ნარჩენები ხევში ჩაყარონ.
2012.12.03    ერთდღიანი კანონი
სპექტრი. 30 ნოემბერს დილით აფთიაქში შესულმა ვენერა მახარაშვილმა 10 აბი `ნო-შპა~ ვერ შეიძინა. ამის მიზეზად ფარმაცევტებმა ის კანონი დაასახელეს, რომელიც ძალაში სწორედ ამ დილით შევიდა.
2012.11.26    როდის გათავისუფლდება გურჯაანი საარჩევნო პლაკატებისგან?
სპექტრი. "ერთად ავიხდინოთ ქართული ოცნება", "მეტი სარგებელი ხალხს," "შეძლებული ოჯახი სოფლად და ქალაქად," "ერთიანი საქართველო ყველა თაობისთვის," _ ამ შინაარსის სლოგანების ფონზე, გაღიმებული პოლიტიკოსების ფოტოებიანი საარჩევნო პლაკატები დღემდე უხვად გვხვდება ქალაქის ქუჩებში.
2012.11.26    გურჯაანში ენერგოდისტრიბუციის თანამშრომლები სამუშაო პირობებს აპროტესტებენ
სპექტრი. "1. ხელფასის ზრდა 100%-ით. 2. Nნორმირებული სამუშაო გრაფიკი. 3. არასამუშაო საათების სრულად ანაზღაურება. N4. ნორმალური დაზღვევა. 5. ტექნიკური აღჭურვილობის უზრუნველყოფა. 6. დამატებითი სამუშაოს ანაზღაურება. 7. ტრანსპორტი. 8. შვებულება თავის დროზე" _ ამ რვაპუნქტიანი მოთხოვნით 19 ნოემბერს კახეთის ენერგოდისტრიბუციის გურჯაანის აბონენტთა მომსახურების ორმოცდაათამდე თანამშრომელმა საპროტესტო აქცია გამართა.
2012.11.20    ახალი დეტალები გურჯაანის სპორტკომპლექსის ირგვლივ
სპექტრი. გურჯაანის სპორტული კომპლექსი ოფიციალურად უკვე ორი თვეა გახსნილია, მაგრამ დღესდღეობით იქ არანაირი წრე არ ფუნქციონირებს. ამის მიზეზი ის პრობლემებია, რომელმაც გახსნიდან რამდენიმე დღეშივე იჩინა თავი. როგორც ცნობილი გახდა, აუზი, რომელიც ოლიმპიურ სტანდარტებს შეესაბამება, დაზიანებულია და მისი შერემონტება ვერ ხერხდება, ასევე დაზიანებულია ჭერი, საიდანაც წყალი ჩამოდის. ბოლო პერიოდში კი გავრცელდა ინფორმაცია, რომ გაზგაყვანილობის სისტემა მხოლოდ ნაწილობრივ შეიცვალა და უსაფრთხოების ნორმები არ არის დაცული. მოსახლეობა მთავრობისგან სპორტული კომპლექსის რეაბილიტაციის დროულად დამთავრებას ითხოვს.
2012.11.12    შეამოწმეთ პროდუქტი, კოლიბატერიებით დაბინძურების საფრთხე რეალურია!
სპექტრი. გაზეთ `სპექტრის~ წინა ნომერში გამოქვეყნდა მომხმარებელი.გე-ის მიერ ჩატარებული ხორცპროდუქტებისა და ნახევარფაბრიკატების შემოწმების შედეგები. ამ ვრცელ სიაში კახეთში წარმოებული რამდენიმე დასახელების პროდუქტიც მოხვდა. დაპირებისამებრ, გთავაზობთ აღნიშნულ თემაზე მომზადებულ მასალას.
2012.11.12    ხანძარი სოფელ მახარაძეში
სპექტრი. გასულ კვირას, გურჯაანის მუნიციპალიტეტის სოფელ მახარაძის სასოფლო-სამეურნეო სავარგულების მიმდებარე მონაკვეთს ცეცხლი მოეკიდა. გავრცელებული ინფორმაციით, ხანძარი ნაკვეთის გასუფთავების შედეგად გაჩნდა. ადგილზე იმყოფებოდა გურჯაანის სახანძრო სამსახურის ჯგუფი.
<<   45678910111213 >>
ორშსამოთხხუთპარშაბ კვ
    123
45678910
11121314151617
18192021222324
252627282930 
23-06-2018
2.4578   -0.0001
2.8597   0.0240
3.2659   0.0392
3.8955   0.0436
ვალუტის კურსები სრულად 
თბილისი დღეს ხვალ
ამინდი
დღისით + 29 °C + 29 °C
ღამით + 18 °C + 18 °C
ამინდის პროგნოზი 
momsaxurebebi
 RSS  სიახლთა ექსპორტი  ხელმოწერა სიახლეებზე  სასტუმროები რეგიონში  საკონფერენციო დარბაზები  ტურისტული სააგენტოები
© 2009 REGIONS.GE, ფაბლისითი ჯგუფი, ყველა უფლება დაცულია.   დამზადებულია: Pro-Service
საიტი შეიქმნა ფონდის "ღია საზოგადოება - საქართველო" მხარდაჭერით და დაფინანსებით
საიტის ტექნიკური მხარდაჭერა განახორციელა აშშ-ს საელჩომ საქართველოში.
Cvenze reklama kontaqti
ამ საიტზე განთავსებული ნებისმიერი სიდიდის ინფორმაციის გამოყენება და გავრცელება
ნებადართულია მხოლოდ ამ საიტის და ავტორი გაზეთის, როგორც საინფორმაციო
წყაროდ მითითების შემთხვევაში.