მთავარი აჭარა გურია იმერეთი კახეთი სამეგრელო სამცხე-ჯავახეთი ქვემო ქართლი შიდა ქართლი
2012.11.06    “კომუნისტების დროს ასეთი “იამკიანი” გზები მინდორშიც არ იყო”
სპექტრი. გურჯაანის მუნიციპალიტეტის სოფლებში წყალი და გზა ერთ-ერთი პრიორიტეტული საკითხია. მიუხედავად იმისა, რომ პრეზიდენტის პროგრამა "წყალი, გაზი და გზა ყველა სოფელს" უკვე წლებია მუშაობს, ზოგიერთ სოფელში ეს საკითხები დღემდე გადაუჭრელია. სოფელ გურჯაანის მოსახლეობა პრობლემების მოგვარებას ახალი ხელისუფლებისგან ელოდება.
2012.11.06    ქვემო მსხალგორის მოსახლეობა სასმელად დანაგვიანებული ხევის წყალს იყენებს
სპექტრი. ლაგოდეხის მუნიციპალიტეტის სოფელ ქვემო მსხალგორის მოსახლეობა ხშირ შემთხვევაში სასმელად იმ ხევის წყალს იყენებს, სადაც უკანონო ნაგავსაყრელია მოწყობილი. ეპიდემიისგან თავის არიდების მიზნით ისინი დახმარებას ადგილობრივ ხელმძღვანელობას სთხოვენ. მიუხედავად იმისა, რომ ბაისუბნის თემის ტერიტორიული ორგანოს რწმუნებული მალხაზ მაჭარაშვილი პრობლემის შესახებ საქმის კურსშია, საკითხი ამ დრომდე მოუგვარებელია.
2012.11.06    წინ წვიმიანი შემოდგომა და ხანგრძლივი ზამთარია, არეშფერანის მოსახლეობა კი პრობლემის მოგვარებას ამაოდ უცდის
სპექტრი. ლაგოდეხის მუნიციპალიტეტის არეშფარანის თემის სოფელებში: ქევხიანში, არეშფერანში, ხოშოტიანში, ქვემო და ზემო ბოლქვში დაზიანებული გზის გამო მოსახლეობას უამრავი პრობლემა ექმნება. ერთმანეთთან დამაკავშირებელი გზა იმდენადაა დაზიანებული, რომ გადაადგილება ძნელია როგორც ფეხით მოსიარულეებისთვის, ასევე ტრანსპორტისთვისაც. "იმის გამო, რომ გზა ცუდ მდგომარეობაშია, მოძრაობა ჭირს, განსაკუთრებით წვიმიან ამინდში. ისეთი გუბეები დგება, რომ გავლა შეუძლებელია," _ ამბობს სოფელ ხოშოტიანში მცხოვრები ნათელა ქოქოევა.
2012.11.06    მცენარეებზე შეყვარებული სელექციონერის მიერ წელიწადში 4-ჯერ მიღებული ყურძნის მოსავალი
სპექტრი. ლაგოდეხის მუნიციპალიტეტის სოფელ ზემო გურგენიანის მკვიდრი მალხაზ თაბუკაშვილი ამერიკული წარმოშობის მცენარეებთან ერთად სპეციალურად გამოყვანილ ჯიშებსაც ამრავლებს. როგორც პროფესიით ელექტრომომმარაგებელი მალხაზ თაბუკაშვილი ამბობს, მცენარეებით მისი დაინტერესება რამდენიმე წლის წინ დაიწყო. "90-იან წლებში, როდესაც თითქმის ყველა საწარმო დაიხურა და უმრავლესობა სამსახურის გარეშე დარჩა, მეც მათ შორის აღმოვჩნდი. სწორედ იმ პერიოდში საქართველოში სტუმრად ჩამოსული ამერიკელი ჯეფერ კამენს სილვერმანი გავიცანი, რომელმაც იმ დროისათვის საქართველოში ჯერ კიდევ უცნობი ხილის-კივის 4 ნერგი მაჩუქა."
2012.11.06    პირადი ინტერესების გამო გადავადებული "სიაურის წყლის" რეაბილიტაცია
სპექტრი. "სოფლის მხარდაჭერის პროგრამის" ფარგლებში გურჯაანის მუნიციპალიტეტის სოფელ ჩალაუბნისთვის მიმდინარე წელს 26 ათას 551 ლარი გამოიყო. მოსახლეობამ საერთო კრებაზე ერთ-ერთ პრიორიტეტად `სიაურის~ წყლის შეკეთება დაასახელა. თუმცა, როგორც ტერიტორიული ორგანოს რწმუნებული განმარტავს, აღნიშნული პრობლემა თანხის სიმცირის გამო ვერ გადაიჭრა. ადგილობრივების თქმით, კი ეს საკითხი პროექტიდან ვალერ ბარნაბიშვილმა თავად ამოიღო.
2012.10.30    `ხშირად მოგვისმენია ხელმძღვანელობისაგან, რომ ჩვენ ხუთდღიან ომს ვამადლიდით.
~ `საქართველოში იყო შიშის ფაქტორი და ჩვენც, ჰოსპიტალის პერსონალი ვიყავით ისე, როგორც პატიმრები~ `გამომიცხადა, რომ მეტი სიფრთხილე გამომეჩინა, რადგან გოგო მეზრდება და ჩემმა საქციელმა მას შეიძლება საფრთხე შეუქმნას~ ბოლო დროს განვითარებული ცნობილი მოვლენების შემდეგ ბევრ აქამდე გაუხმაურებელ საქმეს აეხადა ფარდა. `ხალხის გაზეთი~ გორის სამხედრო ჰოსპიტალიდან პოლიტიკური ნიშნით გათავისუფლებულ ხათუნა ჭარუაშვილს (გადაუდებელი დახმარების განყოფილების რეგისტრატორი) გაესაუბრა. მისი განცხადებით, ჰოსპიტალში მომუშავე პერსონალზე მუდმივად მიმდინარეობდა პოლიტიკური ზეწოლა და კატეგორიულად ეკრძალებოდათ განსხვავებული აზრის ქონა...
2012.10.29    მეზობელთან შეკედლებული ჟუჟუნა გივიშვილი გამგეობის ფუჭი დაპირებების მოლოდინში
სპქტრი. გურჯაანის მუნიციპალიტეტის სოფელ ვაჩნაძიანში მცხოვრები ჟუჟუნა გივიშვილი 19 ივლისის შემდეგ მეზობელთან ცხოვრობს. მისი სახლი სტიქიამ ნაწილობრივ დააზიანა. დასახმარებლად მისულმა ხელოსნებმა კი სახურავი სრულად გადახადეს და მიატოვეს. როგორც გამგეობაში აცხადებენ, სახლი ხელახლაა ასაშენებელი, მანამდე კი ქირის გადახდას ადგილობრივი თვითმმართველობა თავის თავზე იღებს. თუმცა, ქალბატონი ჟუჟუნასთვის ეს თანხა დღემდე არავის მიუცია.
2012.10.29    მეტიკამენტების გაიაფება-ხელისუფლების პოლიტიკის შედეგი თუ მორიგი აქცია
სპექტრი. ბოლო ორი კვირაა, რაც საზოგადოებაში, მედიკამენტებზე ფასების კლების შესახებ საუბრობენ. მოქალაქეების ნაწილი მიიჩნევს, რომ წამლების გაიაფება ახალი ხელისუფლების კეთილი ნების შედეგია. სააფთიაქო ქსელში რიგ წამლებზე თანხის დაწევა ფარმაცევტებმა დაადასტურეს. თუმცა აცხადებენ, რომ ფასდაკლებითი აქციები ხშირად აქვთ და ეს ფაქტი პოლიტიკურ პროცესებს არ უკავშირდება.
2012.10.29    ტერიტორიული ორგანოს რწმუნებულები თანამდებობებს ტოვებენ
სპექტრი. გავრცელებული ინფორმაციით, რამდენიმე დღის წინ კარდენახის, კაჭრეთის და სოფელ გურჯაანის ტერიტორიული ორგანოს რწმუნებულებმა თავისივე სურვილით სამსახურიდან გათავისუფლების შესახებ განცხადებები დაწერეს, თუმცა, მათი მოთხოვნა გურჯაანის მუნიციპალიტეტის გამგეობამ არ დააკმაყოფილა.
2012.10.22    წყალში გადაყრილი 3 მილიონი და ხელახლა შესარემონტებელი სპორტული კომპლექსი
სპექტრი. სპორტული კომპლექსი, რომელიც გურჯაანში 1978 წელს აშენდა წლების განმავლობაში კახეთის მასშტაბით ერთ-ერთი საუკეთესო იყო. განსაკუთრებით გამოირჩეოდა საცურაო აუზი, სადაც აღმართული იყო სახტომი კოშკურები. ქვეყანაში მძიმე ეკონომიკური პერიოდის დროს მან ფუნქციონირება შეწყვიტა, უპატრონობის გამო განადგურდა და გაიძარცვა შენობა. 2012 წელს მისი რეაბილიტაციისთვის სახელმწიფო ბიუჯეტიდან 3 მილიონი ლარი გამოიყო და 18 სექტემბერს სპორტული კომპლექსი საქართველოს პრეზიდენტმა ოფიციალურად გახსნა. თუმცა პრეზენტაციისთვის სახელდახელოდ შესრულებული სამუშაოების შედეგი ორ დღეში გამოიკვეთა და აუზის ფსკერი ხელახლა შესაკეთებელი გახდა.
2012.10.22    კანონის გვერდის ავლის კლასიკური მაგალითი გურჯაანის მუნიციპალიტეტში
სპექტრი. გურჯაანის მუნიციპალიტეტში წინასაარჩევნო პერიოდში, `სპექტრი~ ხშირ შემთხვევაში ვერ ახერხებდა გურჯაანის მუნიციპალიტეტის გამგეობიდან, საჯარო მოხელეების კომენტარების ჩაწერას. ამის ძირითადი მიზეზად კი თანამშრომლების შვებულებაში ყოფნა სახელდებოდა. `სპექტრის~ მიერ გამოთხოვილი საჯარო ინფორმაციის საფუძველზე ირკვევა, რომ საჯარო მოხელეების უმრავლესობას შვებულებებში გასვლისა და დაბრუნების თარიღებად ერთი და იგივე დრო აქვთ მითითებული. გამგეობის 32 თანამშრომელი საკუთარი მოვალეობის შესრულებას არჩევნების დასრულების მეორე დღიდან, 2 ოქტომბრიდან შეუდგა.
2012.10.22    საჯარო მოხელეების ხელფასები გაიზარდა
სპექტრი. საქართველოს პრეზიდენტის მიხეილ სააკაშვილის 2012 წლის 12 ოქტომბრის #945 ბრძანებულების თანახმად ცვლილება შევიდა 2005 წლის 29 აგვისტოს #726 ბრძანებულებაში "ავტონომიური რესპუბლიკების ხელისუფლებისა და ადგილობრივი თვითმმართველობის ორგანოების საჯარო მოსამსახურეთა შრომის ანაზღაურების მოწესრიგების თაობაზე", რომლის მიხედვითაც თვითმმართველი ქალაქების (გარდა თბილისისა და ბათუმისა) მუნიციპალიტეტების საჯარო მოხელეებს, ხელფასი გაეზარდათ.
2012.10.22    სკვერი გურჯაანის პურკომბინატის ნაცვლად
სპექტრი. ქალაქ გურჯაანში, 9 აპრილის ქუჩაზე მდებარე პურკომბინატის შენობა, რომელიც წლების განმავლობაში პურით მთელ რაიონს ამარაგებდა, ოთხმოცდაათიან წლებში განადგურდა. 4 საცხობი საამქრო დაანგრიეს და აგურ-აგურ გაყიდეს. აღნიშნული ტერიტორია ეკალ-ბარდით დაიფარა და ქვეწარმავლების ბუდედ იქცა. მოსახლეობამ სკვერის მოწყობის მიზნით ადგილობრივ ხელმძღვანელობას რამდენჯერმე მიმართა, თუმცა, საკითხით არავინ დაინტერესებულა.
2012.10.22    სკვერი გურჯაანის პურკომბინატის ნაცვლად
სპექტრი. ქალაქ გურჯაანში, 9 აპრილის ქუჩაზე მდებარე პურკომბინატის შენობა, რომელიც წლების განმავლობაში პურით მთელ რაიონს ამარაგებდა, ოთხმოცდაათიან წლებში განადგურდა. 4 საცხობი საამქრო დაანგრიეს და აგურ-აგურ გაყიდეს. აღნიშნული ტერიტორია ეკალ-ბარდით დაიფარა და ქვეწარმავლების ბუდედ იქცა. მოსახლეობამ სკვერის მოწყობის მიზნით ადგილობრივ ხელმძღვანელობას რამდენჯერმე მიმართა, თუმცა, საკითხით არავინ დაინტერესებულა.
2012.10.22    განახლებული ახტალა სიძველეების გარეშე
სპექტრი. კურორტ ახტალის რეაბილიტაცია რამდენიმე თვეა მიმდინარეობს. აღდგენით სამუშაოებს სამშენებლო კომპანია, შპს `ლემანი~ ახორციელებს. სამუშაოების დაწყებისთანავე სანატორიუმის ეზოდან აიღეს ქალის ქანდაკება, რომელიც ერთგვარ სავიზიტო ბარათს წარმოადგენდა. ამ ფაქტმა გურჯაანელების გულისწყრომა გამოიწვია.
<<   567891011121314 >>
ორშსამოთხხუთპარშაბ კვ
   1234
567891011
12131415161718
19202122232425
2627282930  
15-11-2018
2.7045   -0.0110
3.0474   -0.0043
3.4931   -0.0094
3.9893   -0.0155
ვალუტის კურსები სრულად 
თბილისი დღეს ხვალ
ამინდი
დღისით + 8 °C + 10 °C
ღამით + 4 °C + 5 °C
ამინდის პროგნოზი 
momsaxurebebi
 RSS  სიახლთა ექსპორტი  ხელმოწერა სიახლეებზე  სასტუმროები რეგიონში  საკონფერენციო დარბაზები  ტურისტული სააგენტოები
© 2009 REGIONS.GE, ფაბლისითი ჯგუფი, ყველა უფლება დაცულია.   დამზადებულია: Pro-Service
საიტი შეიქმნა ფონდის "ღია საზოგადოება - საქართველო" მხარდაჭერით და დაფინანსებით
საიტის ტექნიკური მხარდაჭერა განახორციელა აშშ-ს საელჩომ საქართველოში.
Cvenze reklama kontaqti
ამ საიტზე განთავსებული ნებისმიერი სიდიდის ინფორმაციის გამოყენება და გავრცელება
ნებადართულია მხოლოდ ამ საიტის და ავტორი გაზეთის, როგორც საინფორმაციო
წყაროდ მითითების შემთხვევაში.