მთავარი აჭარა გურია იმერეთი კახეთი სამეგრელო სამცხე-ჯავახეთი ქვემო ქართლი შიდა ქართლი
ახალციხეში ხულიგნობის ბრალდებით 5 ახალგაზრდა დააკავეს

ახალციხეში, რესტორან „ჯინო ველნესში“ „ბრითიშ პეტროლიუმის“ თანამშრომლებთან მომხდარი დაპირისპირების ფაქტზე ხუთი ახალგაზრდა დააკავეს. სასამართლომ დაკავებულებიდან ოთხს პატიმრობა შეუფარდა, ერთს კი გირაო 30 ათასი ლარის ოდენობით.

სამცხე-ჯავახეთის რეგიონული ტელეკომპანიის, „მეცხრე არხის“ ინფორმაციით, ინციდენტში 8 ადამიანი მონაწილეობდა, BP-ის სამი თანამშრომელი და მეორე მხარეს ხუთი ადგილობრივი ახალგაზრდა.

პოლიციამ ინციდენტის შემდეგ, დილის 7-დან 10 საათამდე პერიოდში ახალგაზრდები დაკითხა, შემდეგ გაუშვეს, შუადღით კი პროკურატურა სასამართლოში მათი დაკავების შუამდგომლობით შევიდა, - იუწყება ადგილობრივი ტელეკომპანია ერთ-ერთი დაკავებულის ადვოკატზე, ნუგზარ სამარჯიშვილზე დაყრდნობით.

„საქმეში იარაღი არსად ფიგურირებს, მხოლოდ ერთს აქვს ჩვენება მიცემული, მგონი ბლაგვი საგანი იყოო, თუმცა კადრებში არანაირი საგანი არ ჩანს და მხოლოდ ჩვენების საფუძველზე მოხდა მათი დაკავება“, - ციტირებს ადვოკატის კომენტარს ტელევიზია.

კიდევ ერთი დაკავებულის ადვოკატი ამბობს, რომ მისი დაცვის ქვეშ მყოფი სათვალთვალო ვიდეოკამერის მიერ გადაღებული მასალების მიხედვით ინციდენტში საერთოდ არ ჩარეულა, ბრალი კი ხულიგნობის მუხლით წაუყენეს. „თან პროკურატურამ ბრალდება დაუმძიმა, თითქოს გამოძიებას დაემალა. არადა, სახლში იყო და არსად წასულა“, - აღნიშნავს ადვოკატი.

გამოძიება სისხლის სამართლის კოდექსის 239–ე მუხლის მესამე ნაწილით დაიწყო, რაც გულისხმობს ხულიგნობას ძალადობით ან ძალადობის მუქარით და ისჯება თავისუფლების აღკვეთით ვადით 4–დან 7 წლამდე.

წინასასამართლო სხდომა 2018 წლის 25 იანვარს ჩაინიშნა.

 

წყარო: reginfo.ge



09.12.2017
ინფორმაცია მოწოდებულია:
სტატიაში გამოქვეყნებულ მასალაზე პასუხისმგებელია ავტორი გაზეთი.
ინფორმაციის გავრცელებას უზრუნველყოფს სააგენტო REGIONS.GE
ბეჭდვა გავუგზავოთ მეგობარს კომენტარის დამატება  

ორშსამოთხხუთპარშაბ კვ
  12345
6789101112
13141516171819
20212223242526
2728293031  
17-08-2018
2.5773   -0.0301
2.9299   -0.0196
3.2729   -0.0395
3.8499   -0.0340
ვალუტის კურსები სრულად 
თბილისი დღეს ხვალ
ამინდი
დღისით + 28 °C + 30 °C
ღამით + 17 °C + 19 °C
ამინდის პროგნოზი 
momsaxurebebi
 RSS  სიახლთა ექსპორტი  ხელმოწერა სიახლეებზე  სასტუმროები რეგიონში  საკონფერენციო დარბაზები  ტურისტული სააგენტოები
© 2009 REGIONS.GE, ფაბლისითი ჯგუფი, ყველა უფლება დაცულია.   დამზადებულია: Pro-Service
საიტი შეიქმნა ფონდის "ღია საზოგადოება - საქართველო" მხარდაჭერით და დაფინანსებით
საიტის ტექნიკური მხარდაჭერა განახორციელა აშშ-ს საელჩომ საქართველოში.
Cvenze reklama kontaqti
ამ საიტზე განთავსებული ნებისმიერი სიდიდის ინფორმაციის გამოყენება და გავრცელება
ნებადართულია მხოლოდ ამ საიტის და ავტორი გაზეთის, როგორც საინფორმაციო
წყაროდ მითითების შემთხვევაში.