მთავარი აჭარა გურია იმერეთი კახეთი სამეგრელო სამცხე-ჯავახეთი ქვემო ქართლი შიდა ქართლი
მისი კრედოა იმედის ჩუქება

,,ბორჯომი~. ქეთევან როსტომაშვილი ბორჯომში დაიბადა. რვა კლასი #3 სკოლაში დაამთავრა, მერე ბაბუასთან წავიდა რუსეთში, ჯერ მაკიევკის სამედიცინო ტექნიკუმი დაამთავრა და შემდეგ სარატოვის სამედიცინო ინსტიტუტში  ონკოლოგიურ სპეციალობაზე გააგრძელა სწავლა.
ქალაქ ვოლსკში შექმნა ლამაზი ოჯახი, გათხოვდა ოჩამჩირის რაიონის სოფელ ბესლახუბელ შარვაშიძეზე, ჰყავს 14 წლის ვაჟი.
ქეთევანის მშობლები ბორჯომში ცხოვრობენ. ისინი ბევრისთვის ცნობილი პიროვნებები არიან. მამა _ ვლადიმერ როსტომაშვილი პროფესიონალი მძღოლი იყო, სამგზავრო ავტოსაწარმოში მუშაობდა და დამსახურებული პატივისცემით და ავტორიტეტით სარგებლობდა მგზავრთა შორის, დღეს იგი პენსიონერია და იმკის ბორჯომელთა სიყვარულს. დედა _ ციცინო გელაშვილი სათნო და კეთილშობილი ქალბატონია, და ერთთავად სხვათა სასიკეთოდაა შემართული.
  ქეთევანი მშობლებსაც და ერთადერთ დაიკოს ეხმარება, მზეთამზეში აგარაკი შეიძინა და ყოველ წელს მშობლიურ ბორჯომში ატარებს შვებულებას.
_ მიყვარს ჩემი ლამაზი ქალაქი, ხანდახან ისე მენატრება აქაურობა, რომ ვფიქრობ ხოლმე, ყველაფერი მივატოვო და აქეთ გამოვიქცე, _ ღიმილით ამბობს ის.
ახლა კი, იმის შესახებ, თუ რა სასიკეთო საქმისთვის დაიწერა ეს წერილი.
ამ რამდენიმე ხნის წინათ რუსეთის ტელევიზიით გადაცემაში ,,ჯანმრთელობა~ გახმოვანდა ინფორმაცია ნაკლებად ცნობილ ვაქცინაზე, რომელიც წარმატებით გამოიყენება საშვილოსნოს ყელის კიბოს საწინააღმდეგოდ.
ამავე თემას დიდ ადგილს უთმობს გაზეთი ,,ვოლსკის კვირა~ და აქვეყნებს წერილს ახალგაზრდა, მაგრამ გამოცდილ ექიმ-ონკოლოგზე ქეთევან როსტომაშვილზე, რომელმაც დამსახურებული ავტორიტეტი და სიყვარული მოიპოვა ამ ქალაქის პაციენტებში.
ქეთევანი ვოლუსკის ონკოდისპანსერში 2002 წელს მთავარი ექიმის მიწვევით მივიდა, დაეხმარნენ ბინის მიღებაში, გაიარა კვალიფიკაციის ასამაღლებელი კურსები, სისტემატურად მონაწილეობდა სამეცნიერო-პრაქტიკულ კონფერენციებში. ნიჭიერი ახალგაზრდა სპეციალისტი წარმატებულ მაღალპროფესიონალ ექიმად ჩამოყალიბდა და ახლა ყველა პაციენტს მასთან უნდა მოხვედრა, ის კურნავს ყველას, მას თვლიან ღმერთისგან ბოძებულ ექიმად და ისიც, წლიდან წლამდე იძენს დიდ გამოცდილებას და სულ უფრო პოპულარული ხდება ამ ვოლგისპირა ქალაქში.
დიდი, გაცისკროვნებული თვალებით, ღიმილიანი ქეთევანი სიტყვითაც კი კურნავს პაციენტებს, მის მორალურ პრინციპებში შესანიშნავადაა შეხამებული ქართველი ინტელიგენტის ხასიათი და მიზანსწრაფვა, _ სიკეთე მოუტანოს ადამიანებს.
მისი ცხოვრების კრედოა იმედი აჩუქოს ადამიანებს და ეს არ არის ფუჭი, ზერელე სიტყვები, პაციენტების სამადლობელი წერილები (და ლექსებიც) მიძღვნილი ქეთევანისადმი ამის დასტურია.
ღმერთმა გვიმრავლოს ქეთევანის მსგავსი პიროვნებები, რომლებიც ბორჯომიდან შორს სახელსა და დიდებას უხვეჭენ საყვარელ სამშობლოს.


ვალერიან ლომიძე
15.07.2010
ინფორმაცია მოწოდებულია: გაზეთი ”ბორჯომი”
სტატიაში გამოქვეყნებულ მასალაზე პასუხისმგებელია ავტორი გაზეთი.
ინფორმაციის გავრცელებას უზრუნველყოფს სააგენტო REGIONS.GE
ბეჭდვა გავუგზავოთ მეგობარს კომენტარის დამატება  

ორშსამოთხხუთპარშაბ კვ
 123456
78910111213
14151617181920
21222324252627
28293031   
28-05-2018
2.4805   0.0000
2.9044   0.0000
3.3087   0.0000
4.005   0.0000
ვალუტის კურსები სრულად 
თბილისი დღეს ხვალ
ამინდი
დღისით + 24 °C + 29 °C
ღამით + 17 °C + 15 °C
ამინდის პროგნოზი 
momsaxurebebi
 RSS  სიახლთა ექსპორტი  ხელმოწერა სიახლეებზე  სასტუმროები რეგიონში  საკონფერენციო დარბაზები  ტურისტული სააგენტოები
© 2009 REGIONS.GE, ფაბლისითი ჯგუფი, ყველა უფლება დაცულია.   დამზადებულია: Pro-Service
საიტი შეიქმნა ფონდის "ღია საზოგადოება - საქართველო" მხარდაჭერით და დაფინანსებით
საიტის ტექნიკური მხარდაჭერა განახორციელა აშშ-ს საელჩომ საქართველოში.
Cvenze reklama kontaqti
ამ საიტზე განთავსებული ნებისმიერი სიდიდის ინფორმაციის გამოყენება და გავრცელება
ნებადართულია მხოლოდ ამ საიტის და ავტორი გაზეთის, როგორც საინფორმაციო
წყაროდ მითითების შემთხვევაში.