მთავარი აჭარა გურია იმერეთი კახეთი სამეგრელო სამცხე-ჯავახეთი ქვემო ქართლი შიდა ქართლი
აჭარის მთავრობა 48 700 ლარად სედანს შეიძენს

აჭარის ავტონომიური რესპუბლიკის მთავრობის აპარატმა მსუბუქი გამავლობის ავტომობილის შესყიდვაზე ელექტრონული ტენდერი გამოაცხადა.  ერთი სედანის შესაძენად მთავრობის აპარატს მაქსიმუმ 48 700 ლარი აქვს გათვალისწინებული. ავტომობილი მთავრობას ხელშეკრულების გაფორმებიდან 3 დღის ვადაში, მაგრამ არაუგვიანეს მიმდინარე წლის 28 დეკემბრისა, უნდა ჩაბარდეს.

სატენდერო პირობების მიხედვით, „ავტომობილი უნდა იყოს ახალი, 2017 წლის გამოშვების, ექსპლუატაციაში არმყოფი; ავტომობილის ღირებულება უნდა მოიცავდეს საქართველოს კანონდმებლობით განსაზღვრული ყველა სახის გადასახადს, მოსაკრებლის ჩათვლით, მათ შორის განბაჟებისა და სახელმწიფო რეგისტრაციის (შემსყიდველზე გადაფორმების) ხარჯების ჩათვლით; ასევე, ავტოსატრანსპორტო საშუალებების თანმდევი საგარანტიო პირობების ფარგლებში გეგმიური ფასიანი მომსახურების ღირებულებას 100 000 კმ. გარბენზე (დღგ-ს ჩათვლით) და ავტომობილის მიერ 100 000 კმ-ზე მოხმარებული საწვავის პირობით ღირებულებას. ხარჯები, რომლებიც სატენდერო წინადადების ფასში არ იქნება გათვალისწინებული, არ დაექვემდებარება ანაზღაურებას“.

შესაძენი ავტომანქანის ტექნიკური მახასიათებლები შეგიძლიათ იხილოთ ამ ბმულზე.

ავტომობილის სწორი ექსპლუატაციის პირობებში უნდა ვრცელდებოდეს გარანტია საქონლის მიწოდების შესახებ შედგენილი მიღება-ჩაბარების აქტის გაფორმების თარიღიდან არანაკლებ 5 წელი ძირითად აგრეგატებზე (ძრავა, ხიდი, გადაცემათა კოლოფი).

ტენდერში მონაწილე პრეტენდენტს ქ. ბათუმში ან ბათუმის მიმდებარე ტერიტორიაზე მაქსიმუმ 30 კილომეტრის ფარგლებში უნდა გააჩნდეს სულ მცირე ერთი სერვისცენტრი, სადაც განახორციელებს საგარანტიო პირობების ფარგლებში გეგმიურ ფასიან მომსახურებას.

ტენდერში წინადადებების მიღება მიმდინარე წლის 16 დეკემბერს დაიწყება და 18 დეკემბერს დასრულდება.


ბათუმელები
12.12.2017
ინფორმაცია მოწოდებულია:
სტატიაში გამოქვეყნებულ მასალაზე პასუხისმგებელია ავტორი გაზეთი.
ინფორმაციის გავრცელებას უზრუნველყოფს სააგენტო REGIONS.GE
ბეჭდვა გავუგზავოთ მეგობარს კომენტარის დამატება  

momsaxurebebi
 RSS  სიახლთა ექსპორტი  ხელმოწერა სიახლეებზე  სასტუმროები რეგიონში  საკონფერენციო დარბაზები  ტურისტული სააგენტოები
© 2009 REGIONS.GE, ფაბლისითი ჯგუფი, ყველა უფლება დაცულია.   დამზადებულია: Pro-Service
საიტი შეიქმნა ფონდის "ღია საზოგადოება - საქართველო" მხარდაჭერით და დაფინანსებით
საიტის ტექნიკური მხარდაჭერა განახორციელა აშშ-ს საელჩომ საქართველოში.
Cvenze reklama kontaqti
ამ საიტზე განთავსებული ნებისმიერი სიდიდის ინფორმაციის გამოყენება და გავრცელება
ნებადართულია მხოლოდ ამ საიტის და ავტორი გაზეთის, როგორც საინფორმაციო
წყაროდ მითითების შემთხვევაში.