მთავარი აჭარა გურია იმერეთი კახეთი სამეგრელო სამცხე-ჯავახეთი ქვემო ქართლი შიდა ქართლი
"ოჩოს ქოხის" დებიუტი უნივერსიტეტში

 7 ახალგაზრდა შემსრულებლისგან (ალეკო გეგეშიძე, ლაშა დეისაძე, თორნიკე ბერეკაშვილი, თორნიკე კახიძე, გიორგი ხაჭაპურიძე, ლაშა მაღლაფერიძე, ბექა ტაბუცაძე) შემდგარი ანსამბლი რამოდენიმე თვეა, რაც არსებობს, თუმცა უკვე მოახერხა თაყვანისმცემლების მოკრებაც და კლიპის ჩაწერაც. მათ მხარდამჭერებად მოგვევლინენ მერიის ახალგაზრდობის საქმეთა საქალაქო სამსახური, ლადო მესხიშვილის სახელობის თეატრი, სახელმწიფო უნივერსიტეტი და კიდევ ბევრი ორგანიზაცია, დაწესებულება, თუ კერძო პირი. ყოველ შემთხვევაში, ანსამბლის წევრებს ბევრი მადლობის თქმა მოუწიათ იმ დღეს სხვადასხვა პირის მისამართით.

ახალგაზრდა მუსიკოსების ანგარიშზე 12 კომპოზიციაა. მათ შორის, უკვე კლასიკოსებად აღიარებული კომპოზიტორების ნაწარმოებების ინტერპრეტაციებიც (მაგალითად, 3 ივნისის კონცერტზე ბერძენი კომპოზიტორის ვანგელისის "უკანასკნელი მოჰიკანისთვის" შექმნილი მელოდიის მათეული ვარიაცია შემოგვთავაზეს). ანსამბლი, 7 წევრთან ერთად, თითქმის ამდენივე განსხვავებულ ინსტრუმენტს და შესაბამისად, ჟღერადობას რთავს მათ მიერ შექმნილ კომპოზიციებში. ვიოლინო, სალამური, ტამტამი და გიტარა საკმაოდ "შეთამაშებულად" ერთვება საერთო ჰარმონიაში. მუსიკოსების განმარტებით, მუსიკალური სტილი, რომელშიც იწერება ეს სიმღერები, ფოლკია. ერთგვარი "ალტერნატიული", თუ "მოდერნიზებული" ფოლკი, რომელიც სამყაროს ყველა ხმიანობას ითავსებს: ჯაზი, როკი, ქალაქური მელოდიები და სხვა ჟანრები და სტილები ორგანულად ჯდებიან ამ სივრცეში.

ყოველ შემთხვევაში, "შინ"-თან ეს ნამდვილად გამოდის, ანუ ანსამბლ "შინის" მიერ დამკვიდრებულ და მერე ბევრისგან ატაცებულ მიმართულებას "ოჩოს ქოხის" მუსიკოსებიც შეუერთდნენ. სტილი, რომელიც საპირისპიროთა შეკავშირებას, ეკლექტიკას ამკვიდრებს, საკმაო საშიშროებას ქმნის განმეორების, ბანალურობის, განსხვავებული პრინციპით ნაგებ მელოდიათა არაორგანული შერწყმის და ა.შ. თუმცა "ოჩოს ქოხის" ახალგაზრდა წევრებს, მათივე თქმით, ეს არ აშინებთ და ამ რთული გზით სვლას აპირებენ. ანსამბლი ახალ კლიპს მალე შესთავაზებს ქართველ მსმენელს. შესაბამისად, აკუსტიკასთან ერთად, ვიზუალური ხატებიც ჩართვებიან იმ სათქმელის და იმიჯის ჩამოყალიბებაში, რის მიტანასაც ცდილობს ანსამბლი `ოჩოს ქოხი~ მსმენელთან. ეკა კუხალაშვილი


ეკა კუხალაშვილი
09.06.2010
ინფორმაცია მოწოდებულია: „ახალი გაზეთი“
სტატიაში გამოქვეყნებულ მასალაზე პასუხისმგებელია ავტორი გაზეთი.
ინფორმაციის გავრცელებას უზრუნველყოფს სააგენტო REGIONS.GE
ბეჭდვა გავუგზავოთ მეგობარს კომენტარის დამატება  

: If you want to get read, this is how you sholud write.
: Damn, I wish I could think of sometinhg smart like that!
: 20
ქუთაისი დღეს ხვალ
ამინდი
დღისით + 22 °C + 24 °C
ღამით + 14 °C + 13 °C
ამინდის პროგნოზი 
ორშსამოთხხუთპარშაბ კვ
     12
3456789
10111213141516
17181920212223
24252627282930
momsaxurebebi
 RSS  სიახლთა ექსპორტი  ხელმოწერა სიახლეებზე  სასტუმროები რეგიონში  საკონფერენციო დარბაზები  ტურისტული სააგენტოები
© 2009 REGIONS.GE, ფაბლისითი ჯგუფი, ყველა უფლება დაცულია.   დამზადებულია: Pro-Service
საიტი შეიქმნა ფონდის "ღია საზოგადოება - საქართველო" მხარდაჭერით და დაფინანსებით
საიტის ტექნიკური მხარდაჭერა განახორციელა აშშ-ს საელჩომ საქართველოში.
Cvenze reklama kontaqti
ამ საიტზე განთავსებული ნებისმიერი სიდიდის ინფორმაციის გამოყენება და გავრცელება
ნებადართულია მხოლოდ ამ საიტის და ავტორი გაზეთის, როგორც საინფორმაციო
წყაროდ მითითების შემთხვევაში.