მთავარი აჭარა გურია იმერეთი კახეთი სამეგრელო სამცხე-ჯავახეთი ქვემო ქართლი შიდა ქართლი
ორთვიანი წინასწარი პატიმრობა ზარალის დამთვლელი კომისიის წევრებს
სპექტრი. გურჯაანის რაიონულმა სასამართლომ სოფელ ჩუმლაყის, სტიქიის შედეგების შემსწავლელი კომისიის წევრებს გიორგი დვალსა და იორამ ორთოიძეს ორთვიანი წინასწარი პატიმრობა შეუფარდა. მათ ბრალი სისხლის სამართლის კოდექსის 332-ე მუხლის პირველი ნაწილით ედებათ, რაც სამსახურებრივი უფლებამოსილების ბოროტად გამოყენებას გულისხმობს და 3 წლამდე თავისუფლების აღკვეთას ითვალისწინებს.

გამოძიების ინფორმაციით, ჩუმლაყელებსა და კომისიის წევრებს შორის გარიგება მოხდა. მათ მოქალაქეებზე ყალბი ცნობები გასცეს, კომპენსაციის მიღების შემდეგ კი „დაზარალებულებისგან“ თანხის ნაწილი მიიღეს. დაკავებული გიორგი დვალი და იორამ ორთოიძე სასამართლოს გადაწყვეტილების გასაჩივრებას აპირებენ. გიორგი დვალის ადვოკატი მაგული ღვალაძე აღნიშნულ გადაწყვეტილებას არ ეთანხმება.

- "შეგვაქვს საჩივარი აღკვეთი ღონისძიების გაუქმების მოთხოვნით. იმედი გვაქვს აპელაცია მაინც განიხილავს კანონიერად და ჩვენს მოთხოვნას დააკმაყოფილებს. აქტების ყველა ასლი გადაგზავნილია ინფრასტრუქტურის სამინისტროში, რაც დარჩენილი იყო, ამოღებულია და გამოძიებას აქვს. ამიტომ ჩემი დაცვის ქვეშ მყოფს მასზე ხელი აღარ მიუწვდებოდა. გასათვალისწინებელია ისიც, რომ ბრალდება წარდგენილი აქვს 332-ე მუხლის პირველი ნაწილი, რომელიც ნაკლებად მძიმე კატეგორიის დანაშაულია. ასეთ მუხლებზე საერთოდ არ უნდა იყოს გათვალისწინებული პატიმრობა."

კომისიის ერთ-ერთი წევრი გიორგი დვალი "ქართული ოცნების" მხარდამჭერია და გურჯაანის მუნიციპალიტეტის გამგეობის კულტურის, განათლებისა და სოციალური განვითარების სამსახურის სოციალური განყოფილების უფროსი იყო. სასამართლოზე მყოფი გამგეობის თანამშრომლები და მისი მეგობრები წინასწარი პატიმრობის შეფარდებას აპროტესტებდნენ. გამგებლის მოადგილე ზვიად ყვირალაშვილმა კი, სასამართლო პროცესი აბსურდის თეატრს შეადარა. 

-"ეს იყო არა სასამართლო პროცესი, არამედ აბსურდის თეატრი, სადაც აშკარად იგრძნობოდა ყოფილი ხელისუფლების საცეცები. ბრალეულობა არის უმნიშვნელო, მაგრამ ადამიანებს შეეფარდათ აღკვეთი ღონისძიება. ეს არის პოლიტიკური ანგარიშსწორება," _ აღნიშნა მან.

სასამართლომ მათთან ერთად დაკავებული მესამე პირი ბესარიონ ბერუკაშვილი 5 000 ლარი გირაოს სანაცვლოდ დარბაზიდან გაათავისუფლა. პროკურორის განმარტებით, ბესარიონ ბერუკაშვილმა მატერიალური ზიანი აანაზღაურა, გამოძიებასთან ითანამშრომლა და მტკიცებულებების მოპოვებას ხელი შეუწყო. 

ლანა გულოშვილი


07.05.2013
ინფორმაცია მოწოდებულია: გაზეთი „სპექტრი“
სტატიაში გამოქვეყნებულ მასალაზე პასუხისმგებელია ავტორი გაზეთი.
ინფორმაციის გავრცელებას უზრუნველყოფს სააგენტო REGIONS.GE
ბეჭდვა გავუგზავოთ მეგობარს კომენტარის დამატება  

: Hello, Wow, what a good idea for educating, and ennarteiting your students about the medeival times! Hope you enjoy the game, and learn more and more about the middle ages.
: The answer of an exretp. Good to hear from you.
: Several factors determine the pricing of auto insurance. Some are absolutely legitimate. Some, Quotes Chimp believe, are not. Saving that discussion for later (see page 123), the following considerations are the factors insurance companies look at when they determine the premium you will pay.
: Yo, that's what's up truthfully. heliomeds.com efficacy levitra comparehealthinsur.com best health insurance in az of life insurance companies bestlifeinsurpolicy.com
: This poisntg knocked my socks off
თელავი დღეს ხვალ
ამინდი
დღისით + 16 °C + 18 °C
ღამით + 5 °C + 7 °C
ამინდის პროგნოზი 
ორშსამოთხხუთპარშაბ კვ
     12
3456789
10111213141516
17181920212223
24252627282930
momsaxurebebi
 RSS  სიახლთა ექსპორტი  ხელმოწერა სიახლეებზე  სასტუმროები რეგიონში  საკონფერენციო დარბაზები  ტურისტული სააგენტოები
© 2009 REGIONS.GE, ფაბლისითი ჯგუფი, ყველა უფლება დაცულია.   დამზადებულია: Pro-Service
საიტი შეიქმნა ფონდის "ღია საზოგადოება - საქართველო" მხარდაჭერით და დაფინანსებით
საიტის ტექნიკური მხარდაჭერა განახორციელა აშშ-ს საელჩომ საქართველოში.
Cvenze reklama kontaqti
ამ საიტზე განთავსებული ნებისმიერი სიდიდის ინფორმაციის გამოყენება და გავრცელება
ნებადართულია მხოლოდ ამ საიტის და ავტორი გაზეთის, როგორც საინფორმაციო
წყაროდ მითითების შემთხვევაში.