მთავარი აჭარა გურია იმერეთი კახეთი სამეგრელო სამცხე-ჯავახეთი ქვემო ქართლი შიდა ქართლი
შალვა ფიფია კახეთის რეგიონში პირუტყვის ვაქცინაციისა და ხორბლის აღების პროცესს დაესწრო

 

ოფლის მეურნეობის მინისტრი შალვა ფიფია კახეთის რეგიონში იმყოფებოდა, სადაც ,,თურქულის" საგაზაფხულო პროფილაქტიკური ვაქცინაცია მიმდინარეობს. 
საგარეჯოს მუნიციპალიტეტში ვაქცინაციას სურსათის ეროვნული სააგენტოს სპეციალისტები ახორციელებენ. სოფლის მეურნეობის მინისტრთან ერთად, საგარეჯოს მეცხოველეობის ფერმაში მიმდინარე ,,თურქულის" საწინააღმდეგო ვაქცინაციის პროცესს სურსათის ეროვნული სააგენტოს ხელმძღვანელის მოადგილე, საქართველოს მთავარი ვეტერინარი მიხეილ სოხაძე და სოფლის მეურნეობის პროექტების მართვის სააგენტოს ხელმძღვანელი გიორგი ჩხეიძე დაესწრნენ.
შალვა ფიფია ადგილობრივ მოსახლეობასაც შეხვდა და მესაქონლეობის დარგის განვითარებისა და ქვეყანაში ეპიზოოტიური კეთილსაიმედოობისთვის პროფილაქტიკური ვაქცინაციის აუცილებლობაზე ისაუბრა. პირუტყვის ვაქცინაცია კახეთის რეგიონის პარალელურად მთელი ქვეყნის მასშტაბით ხორციელდება. 
30 ივნისის მონაცემებით, საქართველოს მასშტაბით ვაქცინირებულია 423 616 სული პირუტყვი, ამათგან 373 607 მსხვილფეხა და 50 009 წვრილფეხა პირუტყვი. თურქული მწვავე, ვირუსული დაავადებაა, სწრაფად ვრცელდება და იწვევს მნიშვნელოვან ეკონომიკურ ზარალს მოსახლეობისათვის. დაავადების გავრცელების არსებული რისკებიდან გამომდინარე, მიზანშეწონილია პირუტყვს ჩაუტარდეს ვაქცინაცია წელიწადში ორჯერ. 
საგარეჯოს მუნიციპალიტეტის შემდეგ, სოფლის მეურნეობის მინისტრი შალვა ფიფია სიღნაღის მუნიციპალიტეტის სოფელ მაღაროში ჩავიდა, სადაც ალოობა დაიწყო.
უკვე რამდენიმე დღეა, 600 ჰა ფართობზე შპს „მექანიზატორის" 5 კომბაინით მოსავლის აღება მიმდინარეობს. შპს ,,მარცვლეულის ლოჯისტიკის კომპანია" წელს ჰექტარ ფართობზე 3 ტონამდე ხორბალის მოსავალს ელოდება. კომპანიამ მეცნიერებთან და დარგის ექსპერტებთან თანამშრომლობის შედეგად, ტერიტორიაზე 14 ჯიშის (ამერიკული, რუსული, ევროპული, მათ შორის 4 ქართული) ხორბალი გამოცადა. როგორც კომპანიაში განმარტავენ, გასულ წლებში ჯიშთა გამოცდა არ ხდებოდა და მოსავალიც ნაკლები იყო. წელს კი, თესვა ჯიშების შესწავლისა და დაკვირვების შემდეგ განხორციელდა, რაც საბოლოოდ მოსავალის რაოდენობასა და ხარისხზეც აისახა. „მარცვლეულის ლოჯისტიკის კომპანია" მიღებული ხორბლის რეალიზაციას შიდა ბაზარზე გეგმავს.
სოფელ მაღაროში დაწყებულ ალოობას სოფლის მეურნეობის მინისტრთან ერთად, სოფლის მეურნეობის პროექტების მართვის სააგენტოს დირექტორი გიორგი ჩხეიძე, სამინისტოს თანამშრომლები და ადგილობრივი ფერმერები ესწრებოდნენ. 
შალვა ფიფიამ ფერმერებისგან პირადად მოისმინა მეხორბლეობის დარგში არსებული პრობლემები. მეწარმეებმა მინისტრს მარცვლეულის წარმოების გაზრდის საკუთარი ხედვაც გააცნეს. სოფლის მეურნეობის მინისტრმა აღნიშნა, რომ სოფლის მეურნეობის სამინისტრო აქტიურად იმუშავებს მარცვლეული კულტურების წარმოების ხელშეწყობის მიმართულებით, რათა მომავალ წელს ალოობა ბევრად უხვმოსავლიანი იყოს. ეს კი, ქვეყნის ეკონომიკური მდგომარეობის გაუმჯობესების წინაპირობაა. 
დღეისათვის ხორბლის აღების პროცესი კახეთის რეგიონში მიმდინარეობს და მალე ალოობა მთელი ქვეყნის მასშტაბით აქტიურ ფაზაში გადავა. როგორც სოფლის მეურნეობის მინისტრმა აღნიშნა, ყველა რეგიონში მოსავლის აღების მიმდინარეობას პირადად გაეცნობა.

 



02.07.2013
ინფორმაცია მოწოდებულია:
სტატიაში გამოქვეყნებულ მასალაზე პასუხისმგებელია ავტორი გაზეთი.
ინფორმაციის გავრცელებას უზრუნველყოფს სააგენტო REGIONS.GE
ბეჭდვა გავუგზავოთ მეგობარს კომენტარის დამატება  

: Márcia MotaOlá quero me separar,o que devo fazer para ele ir embora sem brigas?Existe alguma simpatia que ajude a resolver isto?Quero que seja uma separação sem brigas e que ele vá emgoia.Obrrbada aguardo resposta.
თელავი დღეს ხვალ
ამინდი
დღისით + 20 °C + 19 °C
ღამით + 8 °C + 9 °C
ამინდის პროგნოზი 
ორშსამოთხხუთპარშაბ კვ
      1
2345678
9101112131415
16171819202122
23242526272829
3031     
momsaxurebebi
 RSS  სიახლთა ექსპორტი  ხელმოწერა სიახლეებზე  სასტუმროები რეგიონში  საკონფერენციო დარბაზები  ტურისტული სააგენტოები
© 2009 REGIONS.GE, ფაბლისითი ჯგუფი, ყველა უფლება დაცულია.   დამზადებულია: Pro-Service
საიტი შეიქმნა ფონდის "ღია საზოგადოება - საქართველო" მხარდაჭერით და დაფინანსებით
საიტის ტექნიკური მხარდაჭერა განახორციელა აშშ-ს საელჩომ საქართველოში.
Cvenze reklama kontaqti
ამ საიტზე განთავსებული ნებისმიერი სიდიდის ინფორმაციის გამოყენება და გავრცელება
ნებადართულია მხოლოდ ამ საიტის და ავტორი გაზეთის, როგორც საინფორმაციო
წყაროდ მითითების შემთხვევაში.