მთავარი აჭარა გურია იმერეთი კახეთი სამეგრელო სამცხე-ჯავახეთი ქვემო ქართლი შიდა ქართლი
გოროზიამ ყულევის ტერმინალის უფროსს აგინა
 
რამდენიმე დღის წინ, საქართველოში, რკინიგზით შემოტანილი ყულევის ტერმინალისთვის განკუთვნილი ტექნიკის გადმოტვირთვის სამუშაოები ჭალადიდის სარკინიგზო მაგისტრალზე, სამეგრელო-ზემო სვანეთში პრეზიდენტის რწმუნებულის, ზაზა გოროზიას ბრძანებით შეჩერდა.
მოწმეთა მტკიცებით, გოროზიამ აზერბაიჯანელებს ჯერ ულტიმატუმი წაუყენა ტვირთი არ გადმოცალოთო და მერე მათ აგინა. თვითმხილველთა თქმით, რწმუნებულს ეწყინა გინებას თავად ადრესატები რომ ვერ ისმენდნენ და იქ მყოფებს, უბრძანა, რომ გინების ამბავი ყულევის ტერმინალის ხელმძღვანელობისთვის ზუსტად და ოპერატიულად გადაეცათ. გოროზია იმის გამო გაბრაზებულა, რომ ყულევში აზერბაიჯანელები გაზის ტერმინალის მშენებლობას აგვიანებენ. გოროზიას აზერბაიჯანული მხარისთვის ულტიმატუმი წაუყენებია სანამ გაზის ტერმინალის მშენებლობას არ დაიწყებთ, მანამ ტვირთის გადმოცლის უფლებას არ მოგცემთო. გადმოტვირტვითი სამუშაოები რამდენიმე საათით მართლაც შეჩერებულა, რის შემდეგაც ეს ყველაფერი ლამის დიპლომატიურ სკანდალში გადაზრდილა. გადმოტვირთვა მოგვიანებით აზერბაიჯანის ხელისუფლების ჩარევის შემდეგ განახლებულა. 
ამ ინციდენტთან დაკავშირებით კითხვის დასმას გოროზიასთვის ვაპირებდით, თუმცა ერთი კვირა ჩვენს სატელეფონო ზარებს არ პასუხობდა, რის შემდეგაც მისი პრეს-სამსახურის უფროსს, ლალი გელენავას დავუკავშირდით და კითხვა ელექტრონული ფოსტით გადავუგზავნეთ. დაპირების მიუხედავად, პასუხი არ მიგვიღია. სატელეფონო ზარებს გელენავაც აღარ პასუხობდა.
აღნიშნულ საკითხთან დაკავშირებით, ყულევის “შავი ზღვის ტერმინალის” საზოგადოებასთან ურთიერთობის სამსახურის უფროსს, იმრან აივაზოვს მივმართეთ, რათა მისგან გენერალური დირექტორის, კარიმ გულიევის კომენტარი მოგვეპოვებინა, თუმცა პასუხი არც მისგან მიგვიღია. აივაზოვმა, მხოლოდ ის გვითხრა, რომ “გუბერნატორთან ახლობლური ურთიერთობა მაქვს და ყოველთვის ვეუბნები, რომ ტერმინალის საქმიანობაში ჩარევა მისი ფუნქცია არ არის.”



იზა სალაყაია
23.09.2009
ინფორმაცია მოწოდებულია: გაზეთი ”თავისუფალი სიტყვა”
სტატიაში გამოქვეყნებულ მასალაზე პასუხისმგებელია ავტორი გაზეთი.
ინფორმაციის გავრცელებას უზრუნველყოფს სააგენტო REGIONS.GE
ბეჭდვა გავუგზავოთ მეგობარს კომენტარის დამატება  

: Superior tikhnnig demonstrated above. Thanks!
: 20
: Glad I've fnlialy found something I agree with!
ზუგდიდი დღეს ხვალ
ამინდი
დღისით + 12 °C + 12 °C
ღამით + 7 °C + 6 °C
ამინდის პროგნოზი 
ორშსამოთხხუთპარშაბ კვ
  12345
6789101112
13141516171819
20212223242526
2728293031  
momsaxurebebi
 RSS  სიახლთა ექსპორტი  ხელმოწერა სიახლეებზე  სასტუმროები რეგიონში  საკონფერენციო დარბაზები  ტურისტული სააგენტოები
© 2009 REGIONS.GE, ფაბლისითი ჯგუფი, ყველა უფლება დაცულია.   დამზადებულია: Pro-Service
საიტი შეიქმნა ფონდის "ღია საზოგადოება - საქართველო" მხარდაჭერით და დაფინანსებით
საიტის ტექნიკური მხარდაჭერა განახორციელა აშშ-ს საელჩომ საქართველოში.
Cvenze reklama kontaqti
ამ საიტზე განთავსებული ნებისმიერი სიდიდის ინფორმაციის გამოყენება და გავრცელება
ნებადართულია მხოლოდ ამ საიტის და ავტორი გაზეთის, როგორც საინფორმაციო
წყაროდ მითითების შემთხვევაში.