მთავარი აჭარა გურია იმერეთი კახეთი სამეგრელო სამცხე-ჯავახეთი ქვემო ქართლი შიდა ქართლი
ექსტერნი- სწავლის ხანგრძლივობის შემცირების საშუალება

ექსტერნად ჩაბარების მსურველთა საბუთების მიღება დასრულდა. წელს გამოცდების ექსტერნად ჩაბარებას ახალციხის, ვალისა და კლდის საჯარო სკოლების 27 მოსწავლე შეეცდება. 

ექსტერნად ჩაბარების უფლება მხოლოდ იმ მოსწავლეებს აქვთ, რომლებიც სკოლაში ერთი წლის დაგვიანებით, შვიდი წლის ასაკში შევდნენ. მათ შეუძლიათ ნებისმიერ კლასში ექსტერნატის ფორმით ჩააბარონ სრული ზოგადი განათლების პროგრამა და ერთი საფეხურით მაღალ კლასში გააგრძელონ სწავლა. 

 
ახალციხის საგანმანათლებლო რესურსცენტრის მთავარი სპეციალისტი ლია ბერიძე განმარტავს, რომ გარდა მეთორმეტე კლასისა, ნებისმიერი კლასის გამოცდებს მოსწავლე თავისივე სკოლაში აბარებს: “მე-11 კლასის მოსწავლეები ამავე კლასის ყველა საგანსა და მე-12 კლასის პირველი ტრიმესტრის საგნებს აბარებენ. წარმატებით ჩაბარების შემთხვევაში ისინი მე-12 კლასში გადადიან, მაგრამ იმისთვის რომ მე-12 კლასის ატესტატი აიღონ, საბოლოო გამოცდა თბილისში უნდა ჩააბარონ”.

მეთორმეტე კლასის ექსტერნად ჩაბარების მსურველები რეგისტრაციას მხოლოდ მაისში გადიან. ამის უფლება იმ მოსწავლეებს ეძლევათ, რომლებსაც იმ წლის 31 დეკემბრამდე 18 წელი შეუსრულდებათ. 
როგორც გაირკვა, გასულ წელს ექსტერნად ჩაბარების 24 მსურველიდან, გამოცდები წარმატებით ვერცერთმა ვერ ჩააბარა. 

ამჟამად საგანმანათლებლო რესურსცენტრში მეცხრე, მეათე და მეთერთმეტე კლასის ექსტერნად ჩაბარების მსურველებმა გაიარეს რეგისტრაცია. წინა წლებში, მეექვსე კლასის მოსწავლეს (თუ მან მეექვსე კლასში რაიმე მიზეზებით სწავლა შეწყვიტა) მეცხრე კლასის ატესტატის ასაღებად ექსტერნი გამოცდა მეშვიდე, მერვე და მეცხრე კლასის საგნებში უნდა ჩაებარებინა. წელს კი მოსწავლეს მეცხრე კლასის ატესტატის ასაღებად მხოლოდ ამ კლასის საგნების ჩაბარება მოუწევს. ამის შემდეგ მას უფლება ეძლევა სწავლა მეათე კლასში გააგრძელოს. 

იმ მოსწავლეებს, რომლებმაც მეცხრე კლასი წლების წინ დაამთავრეს, ზოგადი განათლების შესახებ კანონი საშუალებას აძლევს (ნებისმიერ ასაკში) მეთორმეტე კლასის ექსტერნი გამოცდები ჩააბარონ.  

მოსწავლეს ყველა იმ საგნის ჩაბარება უწევს, რომელსაც ის ეროვნული სასწავლო გეგმით გადის, გარდა სახელობო განათლების, ფიზიკური აღზრდისა და შრომისა.

“სკოლებს ბრძანებები უკვე გადაგზავნილი აქვთ, ამ კვირის ბოლომდე გამოცდების ცხრილებს შეადგენენ და ცნობილი გახდება გამოცდების ვადები”, - ამბობს ლია ბერიძე.  

ნათია ნებიერიძე, ახალციხე
14.12.2009
ინფორმაცია მოწოდებულია: გაზეთი „სამხრეთის კარიბჭე“
სტატიაში გამოქვეყნებულ მასალაზე პასუხისმგებელია ავტორი გაზეთი.
ინფორმაციის გავრცელებას უზრუნველყოფს სააგენტო REGIONS.GE
ბეჭდვა გავუგზავოთ მეგობარს კომენტარის დამატება  

ახალციხე დღეს ხვალ
ამინდი
დღისით + 23 °C + 20 °C
ღამით + 5 °C + 6 °C
ამინდის პროგნოზი 
ორშსამოთხხუთპარშაბ კვ
1234567
891011121314
15161718192021
22232425262728
293031    
momsaxurebebi
 RSS  სიახლთა ექსპორტი  ხელმოწერა სიახლეებზე  სასტუმროები რეგიონში  საკონფერენციო დარბაზები  ტურისტული სააგენტოები
© 2009 REGIONS.GE, ფაბლისითი ჯგუფი, ყველა უფლება დაცულია.   დამზადებულია: Pro-Service
საიტი შეიქმნა ფონდის "ღია საზოგადოება - საქართველო" მხარდაჭერით და დაფინანსებით
საიტის ტექნიკური მხარდაჭერა განახორციელა აშშ-ს საელჩომ საქართველოში.
Cvenze reklama kontaqti
ამ საიტზე განთავსებული ნებისმიერი სიდიდის ინფორმაციის გამოყენება და გავრცელება
ნებადართულია მხოლოდ ამ საიტის და ავტორი გაზეთის, როგორც საინფორმაციო
წყაროდ მითითების შემთხვევაში.