შენახვა


გადაგზავნა

დაკომენტარება

ოზურგეთის მერიამ სარეზერვო ფონდიდან "ბლექსი არენას" საკონცერტო ბილეთები შეიძინა

საზოგადოება
წყარო:  გურიის მოამბე / http://guriismoambe.com/ 
ორიგინალი სტატია:  http://guriismoambe.com/?m=68&news_id=41810 
 09 ოქტომბერი 2019

ადგილობრივი თვითმმართველობების სარეზერვო ფონდების ხარჯვა 2018 წელს-IDFI-ი სკანდალურ დასკვნას დებს. 

ვრცელ კვლევაში ნათქვამია, რომ ცალკეულ შემთხვევებში სარეზერვო ფონდები გამოიყენება კულტურული, სპორტული და საგანმანთლებლო ღონისძიებების დასაფინანსებლად. მაგალითად, ოზურგეთის მუნიციპალიტეტის მერიამ ღვაწლმოსილი ადამიანებისათვის  შეიძინა შეკვეთილში მდებარე „ბლექსი არენა ჯორჯიას“ საკონცერტო დარბაზის ბილეთები.

ბრძანება # 2157-ში კონკრეტულად არ არის საუბარი თუ რამდენი ადამიანისთვის და რომელ კონცერტზე დასასწრებად მოხდა ბილეთების შეძენა, თუმცა კონკრეტული თანხა (2,157) მითითებულია.  

როგორც "გურიის მოამბეს" ოზურგეთის მერიაში განუცხადეს, ბილეთების შეძენა სოფლებში მცხოვრებ ღავწლმოსილი ადამიანების მოხდა. "შვიდკაცას" კონცერტს მერიის დახფინანსებით კი სულ 50 ადამიანმა უყურა. 

"2018 წლის აგვისტოს თვეში ოზურგეტის მუნიციპალიტეტის მერიამ "ბლეასი არენას" საკონცერტო დარბაზში, ანსამბლ "შვიდკაცას კონცერტისთვის მუნიციპალიტეტში მცხოვრები ღვაწლმოსილი ადამიანებისთვის (ყველა სოფლიდან) შეიძინა 1 030 ლარის ღირებულების ბილეთები, სულ 50 ადამიანი. მოხდა ასევე მათი უფასო ტრანსპორტირებაც"-გვითხრეს პრესცენტრში.

როგორც კვლევაშია აღნიშნული, ჩოხატაურის მერიის მიერ მოწოდებულია მხოლოდ იმ მიმართულებების ჩამონათვალი, რაზეც გაიხარჯა სარეზერვო ფონდი, თუმცა ხარჯების ოდენობა არ იქნა მითითებული.

მუნიციპალიტეტების სარეზერვო ფონდიდან ყველაზე მაღალი დანახარჯებით, გამორჩეულ მუნიციპალიტეტებს შორის ოზურგეთის მეექვსე ადგილს იკავებს. გახარჯული თანხის ოდენობამ კი სულ 346,336 ლარი შეადგინა. 

რაც შეეხება ლანჩხუთს, მუნიციპალიტეტმა გასულ წელს ფონდიდან სულ 29 ,600 ლარი გახარჯა. 

სტატიაში გამოქვეყნებულ მასალაზე პასუხისმგებელია ავტორი გამოცემა
ინფორმაციის გავრცელებას უზრუნველყოფს სააგენტო REGIONS.GE
დასაკომენტარებლად გთხოვთ გაიაროთ ავტორიზაცია/რეგისტრაცია