შენახვა


გადაგზავნა

დაკომენტარება

თელავსა და იაპონიის ქალაქ კაცუნუმას, შესაძლოა მეგობარი ქალაქების სტატუსი მიენიჭოთ

ახალი ამბები
წყარო:  კახეთის ხმა / https://knews.ge/ 
ორიგინალი სტატია:  http://knews.ge/?p=36594 
 05 თებერვალი 2019

მეღვინეობით სახელგანთქმული იაპონიის ქალაქის კაცუნუმას და ქალაქ თელავს შესაძლოა მეგობარი ქალაქების სტატუსი მიენიჭოთ.

აღნიშნული საკითხი განიხილეს შეხვედრაზე, რომელსაც გარემოს დაცვისა და სოფლის მეურნეობის მინისტრი ლევან დავითაშვილი და იაპონელი მეღვინეების დელეგაციის წევრები ესწრებოდნენ.
გარემოს დაცვისა და სოფლის მეურნეობის სამინსიტროს ინფორმაციით, დელეგაციას იამანაშის პრეფექტურაში მდებარე კაცუნუმა ჯოზოს მეღვიონეობის პრეზიდენტი არუგა იუჯი ხელმძღვანელობდა.
შეხვედრაზე ლევან დავითაშვილმა მსოფლიო მასშტაბით ქართული ღვინის კულტურის მნიშვნელობის შესახებ ვრცლად ისაუბრა და დარგის მარეგულირებელი სახელმწიფო უწყების ღვინის ეროვნული სააგენტოს საქმიანობაზე გაამახვილა ყურადღება.
„მივესალმებით მჭიდრო კავშირების არსებობას ღვინის წარმოებით სახელგანთქმულ ქალაქებსა და მეღვინეებს შორის. ჩვენი დიდი სურვილია მეღვინეთა საზოგადოებებთან მჭიდრო კომუნიკაცია“, – განაცხადა ლევან დავითაშვილმა.
მინისტრმა დელეგაციის წევრებს გაზაფხულზე, ქალაქ ტოკიოში დაგეგმილი ქართული ღვინის კულტურის პრეზენტაციის შესახებ მიაწოდა ინფორმაცია და ღონისძიებაზე მიიწვია.

სტატიაში გამოქვეყნებულ მასალაზე პასუხისმგებელია ავტორი გამოცემა
ინფორმაციის გავრცელებას უზრუნველყოფს სააგენტო REGIONS.GE
დასაკომენტარებლად გთხოვთ გაიაროთ ავტორიზაცია/რეგისტრაცია
თვითმართველობა
თვითმართველობა