შენახვა


გადაგზავნა

დაკომენტარება

ახმეტაში მდინარე ალაზანი დაშრა

საზოგადოება
წყარო:  სპექტრი / http://www.speqtri.ge/ 
ორიგინალი სტატია:  http://www.speqtri.ge/sazogadoeba/article/31219 
 22 აგვისტო 2019
ახმეტაში  მდინარე ალაზანი თითქმის მთლიანად დაშრა, რის გამოც სოფელ ზემო და ქვემო ალვანს სარწყავი წყალი აღარ მიეწოდება.
-"ალაზანის მთლიანი კალაპოტი მიმართულია ზემო და ქვემო ალვანის სარწყავ არხებში, ამას თავად მოსახლეობა არეგულირებს. ერთმანეთში ჰქონდათ უთანხმოება, თუ საით წასულიყო მდინარე სარწყავად. იქიდან გამომდინარე, რომ საშინელი გვალვაა, დებეტმა დაიკლო. მდინარეში აღარ დარჩა იმდენი წყალი, რომ კალაპოტში ჩაედინებოდეს. ზოგი ფიქრობს, რომ წყალი ალაზანში უნდა მიდიოდეს, ნაწილს საერთოდ არ აინტერესებს იქ წყალი ჩავა თუ არა, მას სავარგულის მორწყვა სჭირდება,"-აცხადებს speqtri.ge-სთან ახმეტის მუნიციპალიტეტის მერი იოსებ ქარუმაშვილი.

სოციალურ ქსელში გავრცელებულ ინფორმაციას, რომ ალაზანის კალაპოტის დაშრობის გამო, ზემოთ აღნიშნული სოფლების მოსახლეობას სასმელი წყალი არ მიეწოდება, მერი არასწორს უწოდებს.

-"გავრცელდა ინფორმაცია, თითქოსდა ალაზნის სარწყავ წყალს ჩვენ ვუშვებთ სასმელ ქსელში და ამას ვაწვდით ხალხს, რაც სიმართლეს არ შეესაბამება. ზემო ალვანის სასმელი წყლის სადრენაჟე სისტემა შემოღობილია და დაცულია, ეტაპობრივად მიმდინარეობს დაქლორვითი სამუშაოები,"- ამბობს მერი.

სტატიაში გამოქვეყნებულ მასალაზე პასუხისმგებელია ავტორი გამოცემა
ინფორმაციის გავრცელებას უზრუნველყოფს სააგენტო REGIONS.GE
დასაკომენტარებლად გთხოვთ გაიაროთ ავტორიზაცია/რეგისტრაცია