შენახვა


გადაგზავნა

დაკომენტარება

რა პრობლემები აწუხებს ლაგოდეხის სოფელ ვარდისუბნის თემის მოსახლეობას

ახალი ამბები
წყარო:  კახეთის ხმა / https://knews.ge/ 
ორიგინალი სტატია:  http://knews.ge/?p=36742 
 11 თებერვალი 2019

ლაგოდეხის მუნიციპალიტეტის სოფელ ვარდისუბნის ადმინისტრაციულ ერთეულში სპორტული მოედნის მოწყობას, სასაფლაოს შემოღობვასა და საბავშვო ბაღის კეთილმოწყობას ითხოვენ.

მერიაში აცხადებენ, რომ ვარდისუბნის თემში შემავალი სოფლების მოსახლეობასთან ადგილობრივი ხელისუფლების წარმომადგენლებმა საკონსულტაციო შეხვედრა უკვე გამართეს, სადაც ადგილობრივებმა გამოავლინეს პრიორიტეტული საკითხები. უწყების ინფორმაციით, მოსახლეობის მიერ დასახელებული პრობლემები სოფლის მხარდაჭერის პროგრამის ფარგლებში მოგვარდება.
“ლაგოდეხის მუნიციპალიტეტის მერი ჯონდო მდივნიშვილი, ვარდისუბნის თემში, სოფლის მხარდაჭერის პროგრამის ფარგლებში, ოთხი სოფლის მაცხოვრებლებს შეხვდა. ვარდისუბნისა და სვიდების მოსახლეობის ერთობლივი გადაწყვეტილებით – სოფელ ვარდისუბნის სასაფლაო შემოიღობება, სოფელ მშვიდობიანში სპორტული მოედანი მოეწყობა, სოფელ საქობოში კი საბავშვო ბაღის ეზო შემოიღობება და კეთილმოეწყობა. ლაგოდეხის მუნიციპალიტეტში სოფლის მხარდაჭერის პროგრამის ფარგლებში 920 000 ლარია გამოყოფილი”, – აცხადებენ ლაგოდეხის მუნიციპალიტეტის მერიაში.

ნიკოლოზ ესიტაშვილი

სტატიაში გამოქვეყნებულ მასალაზე პასუხისმგებელია ავტორი გამოცემა
ინფორმაციის გავრცელებას უზრუნველყოფს სააგენტო REGIONS.GE
დასაკომენტარებლად გთხოვთ გაიაროთ ავტორიზაცია/რეგისტრაცია