შენახვა


გადაგზავნა

დაკომენტარება

ორი აპრილი აუტიზმის ცნობიერების ამაღლების დღეა

განათლება
წყარო:  http://batumelebi.netgazeti.ge / ბათუმელები 
 01 აპრილი 2019
გაეროს გენერალურმა ასამბლეამ 2 აპრილი აუტიზმის ცნობიერების ამაღლების მსოფლიო დღედ 2007 წლის 18 დეკემბერს გამოაცხადა. ინიციატივას საქართველოც შეუერთდა. აუტიზმის მსოფლიო დღის აღნიშვნის მიზანია, გაზარდოს საზოგადოების ცნობიერება აუტიზმთან დაკავშირებით. ასევე, ხელი შეუწყოს აუტიზმის მქონე ადამიანების ფუნდამენტური უფლებების დაცვასა და რეალიზაციას. ამ დღესთან დაკავშირებით აჭარის საზოგადოებრივი ჯანდაცვის წარმომადგენლები ბათუმის მე-13 საჯარო სკოლაში აუტისტური სპექტრის მქონე ბავშვების მიერ გამართულ ღონისძიებას დაესწრებიან. აჭარის ჯანდაცვის სამინისტრო აუტიზმის სპექტრის დარღვევების მქონე ბავშვთა რეაბილიტაციას 180 ათასი ლარით აფინანსებს. ამ დროისთვის პროგრამაში 34 ბავშვია ჩართული. პროგრამით მოსარგებლეთა საპროგნოზო რაოდენობა 2019 წელს 120 ბავშვია. ჯანდაცვის სამინისტროს განმარტებით, აუტიზმი წარმოადგენს განვითარების სპექტრულ აშლილობას. იგი შეიძლება გამოიხატოს სხვადასხვა სიმპტომის სახით. აუტიზმი მნიშვნელოვნად ზემოქმედებს ბავშვის განვითარებაზე და ხელს უშლის მას ვერბალური და არავერბალური კომუნიკაციის დამყარებაში, სოციალური ურთიერთობების ჩამოყალიბებისა და გონებრივი განვითარების პროცესებში. აუტიზმის სიმპტომები, ჩვეულებრივ, თავს იჩენს ბავშვის ცხოვრების პირველი სამი წლის განმავლობაში. აუტიზმი აღენიშნება 2-10 პიროვნებას ყოველ 10000 ადამიანში.  
სტატიაში გამოქვეყნებულ მასალაზე პასუხისმგებელია ავტორი გამოცემა
ინფორმაციის გავრცელებას უზრუნველყოფს სააგენტო REGIONS.GE
დასაკომენტარებლად გთხოვთ გაიაროთ ავტორიზაცია/რეგისტრაცია