შენახვა


გადაგზავნა

დაკომენტარება

მასწავლებლის ეროვნულ ჯილდოზე 714 მასწავლებელია ნომინირებული

განათლება
წყარო:  http://batumelebi.netgazeti.ge / ბათუმელები 
 01 აპრილი 2019
მასწავლებლის ეროვნულ ჯილდოზე მასწავლებლის ნომინირება დასრულდა. „მასწავლებლის ეროვნული ჯილდოს“ ინფორმაციით, ამ დროისთვის სულ 714 პედაგოგია წარდგენილი. თუმცა აპლიკაციების შევსება 20 აპრილამდე გრძელდება და ყველა მსურველს შეუძლია განაცხადი შეიტანოს.  მასწავლებლის ეროვნულ ჯილდოზე აპლიკაციის შევსება შეუძლია ყველა პედაგოგს, ვინც მიიჩნევს, რომ მისი სწავლების მეთოდები ინოვაციურია, ნერგავს ორიგინალურ, ინტერაქტიულ და მრავალფეროვან მიდგომებს, რაც დადებითად აისახება სასწავლო პროცესზე, ზრდის მოსწავლეთა მოტივაციას და აქედან გამომდინარე, სწავლის შედეგებს. მასწავლებლის ეროვნული ჯილდო მესამე წელია რაც არსებობს. ჯილდოს პირველი მფლობელი ჩიბათის საჯარო სკოლის მასწავლებელი ლადო აფხაზავა გახდა. გასული წლის ეროვნული ჯილდო კი მანანა კაპეტივაძემ მიიღო. ლადო აფხაზავა წელს მასწავლებლის გლობალურ ჯილდოზეც იყო წარდგენილი, ის დუბაიშიც იმყოფებოდა გლობალური ჯილდოს ცერემონიაზე, სადაც გლობალური ჯილდოს ათეულში მოხვდა. ლადო აფხაზავა წელს ვარკის ფონდის ელჩიც გახდა.  
სტატიაში გამოქვეყნებულ მასალაზე პასუხისმგებელია ავტორი გამოცემა
ინფორმაციის გავრცელებას უზრუნველყოფს სააგენტო REGIONS.GE
დასაკომენტარებლად გთხოვთ გაიაროთ ავტორიზაცია/რეგისტრაცია