შენახვა


გადაგზავნა

დაკომენტარება

"მე მხატვარი ვარ და ნახატი არის ჩემი სამეტყველო ენა" - ლია უკლება

კულტურა
წყარო:  New Press / http://newpress.ge/ 
ორიგინალი სტატია:  http://newpress.ge/me-mxatvari-var-da-naxati-aris-chemi-sametyvelo-ena 
 11 ივნისი 2019

ქუთაისელი მხატვრის ლია უკლებას კიდევ ერთი ხანატი გახდა საზოგადოების მწვავე კრიტიკის საგანი. ნახატი, რომელზეც  ტრანსგენდერი ჩვილი ბავშვით წმინდანის შარავანდედით არის წარმოდგენილი, მხატვარმა სოციალურ ქსელში 17 მაისს წარწერით - "17 მაისი ჰომოფობიასთან, ტრანსფობიასა და ბიფობიასთან ბრძოლის საერთაშორისო დღეა" გამოაქვეყნა. მისი ეს ქმედება საზოგადოების ნაწილმა გამოწვევად და იესოს შეურაცხყოფად მიიჩნია. 

სოციალურ ქსელში დაწერილ კომენტარებში ვკითხულობთ, რომ მხატვარმა ღვთისმშობლის შემდეგ იესო ქრისტეს მიაყენა შეურაცხყოფა.  

საკითხთან დაკავშირებით მხატვარი განმარტებას არ აკეთებს, თუმცა ადასტურებს, რომ ნახატის 17 მაისს გამოქვეყნება ერთგვარი სოციალური აქტივობაა. 

"მე მხატვარი ვარ ნახატი არის ჩემი სამეტყველო ენა და არ მინდა ნახატზე კიდევ კომენტარი დავურთო"-განაცხადა ლია უკლებამ.

აღსანიშნავია, რომ ლია უკლება ცნობილი მხატვარია, მას მონაწილეობა აქვს მიღებული არაერთ გამოფენასა და პროექტში.  დღეს ქუთაისში იხსნება არტისტერიუმის გამოფენა, სადაც ლია უკლებას ნამუშევრები ფიროსმანის ნახატის გვერდით არის გამოფენილი. 

"ეს არის საერთაშორისო ფესტივალი, რომელიც 12 წელია საქართველოში ტარდება. წელს პირველად გავიდა რეგიონში, ძალიან საინტერესო ერთი თვე გველოდება ქუთაისში, მონაწილეობენ როგორც ქართველი, ასევე უცხოელი არტისტები. გამოფენაზე ჩემი ოთხი ნამუშევარია წარმოდგენილი", - განაცხადა ლია უკლებამ.

 

სტატიაში გამოქვეყნებულ მასალაზე პასუხისმგებელია ავტორი გამოცემა
ინფორმაციის გავრცელებას უზრუნველყოფს სააგენტო REGIONS.GE
დასაკომენტარებლად გთხოვთ გაიაროთ ავტორიზაცია/რეგისტრაცია