შენახვა


გადაგზავნა

დაკომენტარება

"წინა ხელისუფლება კარგი არ იყო, თუმცა „ქართული ოცნება“ უარესია"- ნატო ჩხეიძე

პოლიტიკა
წყარო:  გურიის მოამბე / http://guriismoambe.com/ 
ორიგინალი სტატია:  http://guriismoambe.com/?m=68&news_id=37215 
 27 მარტი 2019

პარლამენტში არასასურველ ტრადიციად დამკვიდრდა გამუდმებით იმის აღნიშვნა, თუ რამდენად ცუდი იყო ძველი ხელისუფლება და რამდენად კარგია ახალი, - ამის შესახებ დეპუტატმა ნატო ჩხეიძემ ადამიანის უფლებათა კომიტეტის სხდომაზე განაცხადა, სადაც სახალხო დამცველის რეკომენდაციების შესრულებაზე ძალოვანი უწყების წარმომადგენლებს უსმენენ.

ჩხეიძის შეფასებით, წინა ხელისუფლება არ იყო კარგი, თუმცა „ქართული ოცნება“ უარესია.

„მინდა გამოვთქვა ჩემი წუხილი იმის გამო, რომ პარლამენტში, სესიებზეც და კომიტეტის სხდომებზეც, არასასურველ ტრადიციად დამკვიდრდა გამუდმებით იმის აღნიშვნა, თუ რამდენად ცუდი იყო ძველი ხელისუფლება და რამდენად კარგია ახალი ხელისუფლება. პირადად მე ვფიქრობ, რომ ძველი ხელისუფლება არ იყო კარგი, მაგრამ არც ახალი უქნია ღმერთს. მოდით, ნუ დავეყრდნობით ჩემს შეხედულებებს და გავიხსენოთ მაკიაველი, რომელმაც ბრძანა, რომ ახალი ხელისუფლება ძველზე უარესიაო“, - განაცხადა ნატო ჩხეიძემ.

აღნიშნული განცხადების შემდეგ ნატო ჩხეიძეს კომიტეტის თავმჯდომარე სოფო კილაძემ ჰკითხა, თვლიდა თუ არა ის, რომ „ქართული ოცნება“ „ნაციონალურ მოძრაობაზე“ უარესია, რაზეც ჩხეიძემ უპასუხა, რომ სწორედ ამის თქმა სურდა.

„დიახ, მაგის თქმა მინდა, რომ უარესია,“ - აღნიშნა ჩხეიძემ.

სტატიაში გამოქვეყნებულ მასალაზე პასუხისმგებელია ავტორი გამოცემა
ინფორმაციის გავრცელებას უზრუნველყოფს სააგენტო REGIONS.GE
დასაკომენტარებლად გთხოვთ გაიაროთ ავტორიზაცია/რეგისტრაცია