შენახვა


გადაგზავნა

დაკომენტარება

საბავშვო ბაღებში რეგისტრაცია 15 აპრილს დაიწყება

საზოგადოება
წყარო:  სპექტრი / http://www.speqtri.ge/ 
ორიგინალი სტატია:  http://www.speqtri.ge/sazogadoeba/article/30548 
 10 აპრილი 2019
გურჯაანის მუნიციპალიტეტის საბავშვო ბაღებში 2019-20 სასწავლო წლისათვის აღსაზრდელების რეგისტრაცია იწყება.


სკოლამდელი სააღმზრდელო დაწესებულების ხელმძღვანელის მოვალეობის შემსრულებლის შორენა ფროდიაშვილის განმარტებით, მშობლებმა, რომლის შვილიც 2 და მეტი წლისაა, საჭირო დოკუმენტაცია სასურველ ბაღში უნდა წარადგინონ.
„რეგისტრაცია დაიწყება 15 აპრილს და პირველ ივლისამდე გაგრძელდება. ყველა აღსაზრდელი ჩაირიცხება იქ, სადაც მშობლის სურვილი იქნება. როდესაც ოჯახი ცხოვრობს სოფელში და მშობელი ქალაქშია დასაქმებული, ასეთ შემთხვევაში მოხდება გამონაკლისი და ბაღი მათი სურვილისამებრ შეირჩევა. რეგისტრაციისთვის საკმაო დროა, თუმცა არის გამონაკლისებიც. გარკვეული მიზეზის გამო, თუ ვერ მოასწრეს დარეგისტრირება, მათ სექტემბერში შეუძლიათ სასურველ ბაღს მიაკითხონ. თუ ჯგუფები გადატვირთული იქნება, უპირატესობა იმ აღსაზრდელებს მიენიჭება, რომლებიც უფრო ადრე დარეგისტრირდნენ. რაოდენობა ჯერჯერობით შეზღუდული არ არის.“


შორენა ფროდიაშვილის თქმით, მშობლებმა სასურველ ბაღში უნდა წარადგინონ შემდეგი საბუთები: აღსაზრდელის დაბადების მოწმობა ნოტარიუსით დამოწმებული, ორი ფოტოსურათი, ჯანმრთელობის ცნობა ანუ „ფორმა ასი“, აუცილებლად აცრების მითითებით და მშობლების პირადობის ქსეროასლები.

სტატიაში გამოქვეყნებულ მასალაზე პასუხისმგებელია ავტორი გამოცემა
ინფორმაციის გავრცელებას უზრუნველყოფს სააგენტო REGIONS.GE
დასაკომენტარებლად გთხოვთ გაიაროთ ავტორიზაცია/რეგისტრაცია