შენახვა


გადაგზავნა

დაკომენტარება

გურჯაანის დელეგაცია ბელორუსიაში ფორუმს დაესწრება

საზოგადოება
წყარო:  სპექტრი / http://www.speqtri.ge/ 
ორიგინალი სტატია:  http://www.speqtri.ge/sazogadoeba/article/30657 
 03 მაისი 2019
15 მაისს გურჯაანის მუნიციპალიტეტის დელეგაცია ბელორუსიაში ვიტებსკის ოლქში სამუშაო ვიზიტით გაემგზავრება.


როგორც ჩვენთან საუბარში მერიის საგარეო ურთიერთობების, საერთაშორისო პროექტების და ტურიზმის განყოფილების უფროსმა ნინი ნინოშვილმა აღნიშნა, ჩატარდება ფორუმი, რომლის სახელწოდებაა: ინოვაციები, ტექნოლოგიები, ინვესტიციები.
„მათთან ურთიერთთანამშრომლობის მემორანდუმი გვაქვს გაფორმებული. დელეგაციის წევრები ფორუმის ფარგლებში გაეცნობიან ბელორუსიის საინვესტიციო გარემოს და იქ არსებულ წამყვან ბიზნესებს. გვექნება პრეზენტაცია. დამსწრე საზოგადოებას გავაცნობთ ჩვენი მუნიციპალიტეტის ეკონომიკურ მდგომარეობას, სოფლის მეურნეობის წამყვან დარგებს, რაც გურჯაანის მუნიციპალიტეტს გააჩნია. განიხილავენ მიმართულებებს, რა ინვესტიციებიც შეიძლება ჩაიდოს ჩვენს მუნიციპალიტეტში. ესენია ძირითადად: ტურიზმი და სოფლის მეურნეობა. პრეზენტაციის სახით წარვადგენთ რა პოტენციალი გაგვაჩნია და რა კუთხით შეიძლება ვითანამშრომლოთ.“


მისივე თქმით, დელეგაციის წევრები არიან: მერის პირველი მოადგილე, სიმონ ქოჩორაშვილი, ეკონომიკის სამსახურის უფროსი, ვლადიმერ მუსალბიშვილი და საგარეო ურთიერთობების საერთაშორისო პროექტების და ტურიზმის განყოფილების მთავარი სპეციალისტი, ია წიწილაშვილი.
დელეგაცია საქართველოში 17 მაისს დაბრუნდება.

სტატიაში გამოქვეყნებულ მასალაზე პასუხისმგებელია ავტორი გამოცემა
ინფორმაციის გავრცელებას უზრუნველყოფს სააგენტო REGIONS.GE
დასაკომენტარებლად გთხოვთ გაიაროთ ავტორიზაცია/რეგისტრაცია