შენახვა


გადაგზავნა

დაკომენტარება

მეწყერმა თუშეთის გზის რამდენიმე მონაკვეთი ჩამოშალა

ახალი ამბები
წყარო:  კახეთის ხმა / https://knews.ge/ 
ორიგინალი სტატია:  http://knews.ge/?p=38796 
 10 მაისი 2019

გადაუღებელმა წვიმის შედეგად ფშაველი-აბანო-ომალოს დამაკავშირებელი ერთადერთი საავტომობილო გზა ჩაიხერგა.

როგორც “კახეთის ხმას” ახმეტის მუნიციპალიტეტის მერმა იოსებ ქარუმაშვილმა განუცხადა, სტიქიის შედეგად თუშეთისკენ მიმავალი გზის რამდენიმე მონაკვეთზე მეწყერი ჩამოწვა.

“თუშეთის ადმინისტრაციულ ერთეულში ჩემი წარმომადგენელი გავგზავნე, რათა გაეგო, რა მდგომარეობაა თუშეთის გზაზე. ლადო კახოიძე სოფელ ფშაველთან გაჩერდა, რაც ერთ-ერთი მონაკვეთია, რომელიც წვიმამ წაიღო. მდინარე სტორი კალაპოტიდან გადმოვიდა, რომელმაც გამოიწვია თუშეთის გზის ჩახერგვა.

გზის რამდენიმე მონაკვეთზე მეწყერია ჩამოსული. სტიქიის ზონაში შესაბამისი ტექნიკა უკვე მუშაობს, თუმცა ჩვენი რესურსით ვერ შევძლებთ სტიქიის შედეგების ლიკვიდაციას”, – განაცხადა იოსებ ქარუმაშვილმა.

სტატიაში გამოქვეყნებულ მასალაზე პასუხისმგებელია ავტორი გამოცემა
ინფორმაციის გავრცელებას უზრუნველყოფს სააგენტო REGIONS.GE
დასაკომენტარებლად გთხოვთ გაიაროთ ავტორიზაცია/რეგისტრაცია
თვითმართველობა