შენახვა


გადაგზავნა

დაკომენტარება

,,დილას“ ვეტერანი ფეხბურთელი გია რევაზიშვილი გარდაიცვალა

ახალი ამბები
წყარო:  შიდა ქართლი / http://qartli.ge/ 
 07 ნოემბერი 2018
ავადმყოფობის შედეგად, გარდაიცვალა გორის ,,დილას“ ფეხბურთელი, ქალთა და ამპუტანტ ფეხბურთელთა გუნდების დაამარსებელი გიორგი (გია) რევაზიშვილი. სიცოცხლოს ბოლო წლებამდე, 2004 წლიდან, ფეხბურთის ფედერაციის შიდა ქართლის რეგიონალურ ორგანიზაციას ხელმძღვანელობდა. მის სახელს უკავშირდება გორში, ასევე, საფეხბურთო აკადემიის დაარსება. რამდენიმე თვის წინ, გორის ,,დილას“ სტადიონზე მისთვის სპეციალური ღონისძიება გაიმართა. სტუმრებმა და ხელისუფლების წარმომადგენლებმა, გორის ,,დილას“ გულშემატკივრებმა მას სამასახსოვრო საჩუქარი ,,4“-ნომრიანი მაისური გადასცეს. სწორედ, ამ ნომრიანი მაისურით გია რევაზიშვილი ,,დილას“ წევრი იყო. გია რევაზიშვილი ფეხბურთს სასკოლო ასაკიდან თამაშობდა. მოსწავლეთა შორის სპარტაკიადის სამგზის გამარჯვებული, ერთი ვერცხლის და ორი ბრინჯაოს მედლის მფლობელია. 1973 წელს მიწვეული იყო საქართველოს ახალგაზრდულ ნაკრებში. არის უმაღლეს სასწავლებელთა შორის გამართულ 1-ლი ჩემპიონატის 1-ლი ადგილის მფლობელი. იმ დროს გამარჯვება ნ. ბარათაშვილის სახელობის გორის პედაგოგიური ინსტიტუტმა მოიპოვა. 1971-78 წლებში გორის ,,დილას“ ფეხბურთელია. 1973-74 წლებში გორის რაიონის ,,ქართლის“ საფეხბურთო კლუბში თამაშობდა.. 1978-79 წლებში უკრაინის ქ. ჩერნოგოვის საფეხბურთო გუნდში გადავიდა და მონაწილეობა მიიღო საბჭოთა კავშირის ჩემპიონატის მეორე ლიგაში. 1987-88 წლებში საქართველოს ახალგაზრდული ნაკრების მეოთხე მწვრთნელად დანიშნეს. მისი ინიციატივით, გორში ჩატარდა ევროპის ჩემპიონატის შესარჩევი ტურნირი რუმინეთის ახალგაზრდულ ნაკრებთან. 1985-2006 წლებში გორის ბავშვთა საფეხბურთო გუნდის ხელმძღვანელია. 1997 წელს დაარსა ქალ ფეხბურთელთა გუნდი. 1998 წელს ჩამოაყალიბა ყრუ-მუნჯთა ფეხბურთელთა გუნდი. 2011 წელს დაარსა საფეხბურთო აკადემია ,,ქართლი 2011“ 2016 წელს დაარსა ამპუტანთ ფეხბურთელთა გუნდი. 2018 წლის ივნისში ქართული საფეხბურთო სამყაროს წარმომადგენლებმა გორის ,,დილას“ სტადიონზე სპეციალური ღონისძიება გამართეს. გია რევაზიშვილს მისი სახელობის მაისური საზეიმოდ გადაცეს.
სტატიაში გამოქვეყნებულ მასალაზე პასუხისმგებელია ავტორი გამოცემა
ინფორმაციის გავრცელებას უზრუნველყოფს სააგენტო REGIONS.GE
დასაკომენტარებლად გთხოვთ გაიაროთ ავტორიზაცია/რეგისტრაცია
ახალი ამბები