შენახვა


გადაგზავნა

დაკომენტარება

„ევროპული საქართველო“ – ბოდბეში პარტიის წევრს ფიზიკურად გაუსწორდნენ

ახალი ამბები
წყარო:  კახეთის ხმა / https://knews.ge/ 
 07 ნოემბერი 2018

„ევროპული საქართველოს” კახეთის რეგიონული ორგანიზაციის ხელმძღვანელის ინფორმაციით, სიღნაღის მუნიციპალიტეტის სოფელ ქვემო ბოდბეში პარტიის წევრს თავს დაესხნენ.
გიორგი ღვინიაშვილის მტკიცებით, ბესიკ ლაზარიაშვილს ღამით ქუჩაში უცნობი პირები თავს დაესხნენ და პარტიის დატოვება მოსთხოვეს.
„ბესიკ ლაზარიაშვილს სთხოვდნენ პოლიტიკური აქტივობების შეწყვეტას. მას მიაყენეს ფიზიკური და სიტყვიერი შეურაცხყოფა”, – განაცხადა გიორგი ღვინიაშვილმა.
„ევროპული საქართველო“ მომხდარზე პასუხისმგებლობას მმართველ გუნდს აკისრებს.
,,ინტერპრესნიუსის” ინფორმაციით, ბესიკ ლაზარიაშვილი კახეთის პოლიციის დეპარტამენტის სიღნაღის რაიონულ სამმართველოში გამოკითხვაზე იმყოფებოდა.
შსს-ს ინფორმაციით, მომხდარ ფაქტთან დაკავშირებით გამოძიება დაიწყო საქართველოს სისხლის სამართლის კოდექსის 126-ე მუხლით, რომელიც ძალადობას გულისხმობს.

სტატიაში გამოქვეყნებულ მასალაზე პასუხისმგებელია ავტორი გამოცემა
ინფორმაციის გავრცელებას უზრუნველყოფს სააგენტო REGIONS.GE
დასაკომენტარებლად გთხოვთ გაიაროთ ავტორიზაცია/რეგისტრაცია