შენახვა


გადაგზავნა

დაკომენტარება

სტოლტენბერგი რუსეთს რაკეტების ლიკვიდაციის შეთანხმების შესრულებას მოუწოდებს

პოლიტიკა
წყარო:  გურიის მოამბე / http://guriismoambe.com/ 
ორიგინალი სტატია:  http://guriismoambe.com/?m=68&news_id=39928 
 18 ივლისი 2019

ნატო-ს გენერალური მდივანი იენს სტოლტენბერგი რუსეთს, მოკლე და საშუალო მანძილზე მოქმედი რაკეტების ლიკვიდაციის შესახებ შეთანხმების შესრულებას მოუწოდებს. ამის შესახებ სტოლტენბერგმა ტელეკომპანია „ბიბისისთან“ ინტერვიუში განაცხადა.

 

„ნატო მზად არის „გამოზომილი და თავდაცვითი“ ნაბიჯების გადასადგმელად, თუ რუსეთი, 2 აგვისტომდე არ დაუბრუნდება შეთანხმების პირობების შესრულებას, ჩვენ უნდა მოვემზადოთ მსოფლიოსთვის, სადაც უფრო მეტი რუსული რაკეტა იქნება“, - ამბობს სტოლტენბერგი.

შეგახსენებთ, რომ საქმე ეხება 1987 წელს, საბჭოთა კავშირისა და აშშ-ის ლიდერების მიერ ხელმოწერილ შეთანხმებას, რომლის მიხედვითაც მხარეები მოკლე და საშუალო მანძილზე მფრენი რაკეტების ეტაპობრივ და თანმიმდევრულ ლიკვიდაციაზე შეთანხმდნენ.

დონალდ ტრამპის ადმინისტრაციამ რუსეთი ამ შეთანხმების პირობების დარღვევასა და უგულებელყოფაში არაერთხელ დაადანაშაულა, რუსეთმა კი საპასუხოდ აშშ-ის ეს ბრალდება უარყო და განაცხადა, რომ შეთანხმებას აღარ შეასრულებს.

სტატიაში გამოქვეყნებულ მასალაზე პასუხისმგებელია ავტორი გამოცემა
ინფორმაციის გავრცელებას უზრუნველყოფს სააგენტო REGIONS.GE
დასაკომენტარებლად გთხოვთ გაიაროთ ავტორიზაცია/რეგისტრაცია