შენახვა


გადაგზავნა

დაკომენტარება

ყოფილი მეუღლის მკვლელობაში ბრალდებული მამაკაცის ჯანმრთელობის მდგომარეობა მძიმეა

ახალი ამბები
წყარო:  კახეთის ხმა / https://knews.ge/ 
ორიგინალი სტატია:  http://knews.ge/?p=41107 
 24 სექტემბერი 2019

თელავში ყოფილი მეუღლის მკვლელობაში ბრალდებული 50 წლამდე მამაკაცის ჯანმრთელობის მდგომარეობა მძიმეა.

თელავის საავადმყოფოში განმარტავენ, რევაზ კეკელიძეს ქირურგიული ოპერაცია ჩაუტარდა და რეანიმაციულ განყოფილებაში კომატოზურ მდგომარეობაში იმყოფება.

მკვლელობა თელავში გუშინ ჭონქაძის ქუჩაზე მოხდა. 48 წლის ნონა ლაზარიაშვილი ცეცხლსასროლი იარაღიდან გასროლით ყოფილმა მეუღლემ ოჯახის წევრების თვალწინ მოკლა. ქალი ადგილზე გარდაიცვალა, რის შემდეგაც მამაკაცმა თვითმკვლელობა სცადა.

თვითმხილველების ინფორმაციით, ცოლ-ქმარი 15 წელია გაშორებულები იყვნენ. გარდაცვლილი ნონა ლაზარიაშვილი 10 წელი დუბაიში ცხოვრობდა და მუშაობდა. ის შემთხვევამდე რამდენიმე დღის ჩამოსული იყო.

შინაგან საქმეთა სამინისტრის ინფორმაციით, მომხდარზე გამოძიება სსკ-ის 109-ე მუხლით მიმდინარეობს, რაც გულისხმობს განზრახ მკვლელობას დამამძიმებელ გარემოებებში.

სტატიაში გამოქვეყნებულ მასალაზე პასუხისმგებელია ავტორი გამოცემა
ინფორმაციის გავრცელებას უზრუნველყოფს სააგენტო REGIONS.GE
დასაკომენტარებლად გთხოვთ გაიაროთ ავტორიზაცია/რეგისტრაცია