შენახვა


გადაგზავნა

დაკომენტარება

საერთაშორისო გამჭვირვალობა - საქართველო განცხადებას ავრცელებს

პოლიტიკა
წყარო:  გურიის მოამბე / http://guriismoambe.com/ 
 01 დეკემბერი 2018

საერთაშორისო გამჭვირვალობა - საქართველო რუსთავი2-ისჟურნალისტებზე ძალადობისა და პროფესიული საქმიანობის განხორციელებაში ხელშეშლასთან დაკავშირებით განცხადებას ავრცელებს.

არასამთავრობო ორგანიზაცია აღნიშნავს, რომ ნანა კაკაბაძის გაღიზიანება კურიერის ჟურნალისტის მიერ დასმულმა შეკითხვამ გამოიწვია. განცხადებაში აღნიშნულია, რომ მან რუსთავი2-ის თანამშრომელს სიტყვიერი შეურაცხყოფა მიაყენა ოფისში მყოფმა პირებმა კი ჟურნალისტსა და ოპერატორს ძალის გამოყენებით ტერიტორია დაატოვებინეს.

საერთაშორისო გამჭვირვალობა - საქართველოს შეფასებით, რუსთავი2-ის ჟურნალისტსა და ოპერატორს არ მიეცათ საშუალება, განეხორციელებინათ საკუთარი პროფესიული საქმიანობა.

“საერთაშორისო გამჭვირვალობა - საქართველო ეხმიანება რუსთავი2-ის ჟურნალისტსა და ოპერატორზე ძალადობისა და პროფესიულ საქმიანობაში ხელშეშლის ფაქტს, რომელსაც ადგილი ჰქონდა ქართული ოცნებისმხარდამჭერი მოძრაობის „არა ნაციზმის“ ოფისში. მაუწყებლის მიერ გავრცელებული კადრებიდან ჩანს, რომ ორგანიზაციის ხელმძღვანელის გაღიზიანება გამოიწვია რუსთავი2-ის მიერ დასმულმა კითხვამ დაფინანსებასთან დაკავშირებით, რა დროსაც ქალბატონმა ნანა კაკაბაძემ სიტყვიერი შეურაცხყოფა მიაყენა ჟურნალისტს, ხოლო იქვე მყოფმა სხვა პირებმა ჟურნალისტსა და ოპერატორს ფიზიკური ძალის გამოყენებით ოფისი დაატოვებინა. აღნიშნული ინციდენტის დროს დაზიანდა ასევე მაუწყებლის კუთვნილი აპარატურა.

ჟურნალისტების მიერ საარჩევნო თემასთან დაკავშირებით ინფორმაციის მოძიება და შემდგომ აუდიტორიისათვის მიწოდება, უმნიშვნელოვანეს საჯარო ინტერესს წარმოადგენს. შესაბამისად, სამწუხაროა, რომ რუსთავი2-ის ჟურნალისტსა და ოპერატორს არ მიეცათ საშუალება განეხორციელებინათ საკუთარი პროფესიული საქმიანობა.

ჟურნალისტების მიერ საარჩევნო თემასთან დაკავშირებით ინფორმაციის მოძიება და შემდგომ აუდიტორიისათვის მიწოდება, უმნიშვნელოვანეს საჯარო ინტერესს წარმოადგენს. შესაბამისად, სამწუხაროა, რომ რუსთავი2-ის ჟურნალისტსა და ოპერატორს არ მიეცათ საშუალება განეხორციელებინათ საკუთარი პროფესიული საქმიანობა.

მისასალმებელია, რომ გამოძიება დაიწყო აღნიშნულ ინციდენტთან დაკავშირებით, მაგრამ აუცილებელია, რომ ის წარიმართოს სწრაფად და გამჭვირვალედ და საზოგადოებას არ დარჩეს კითხვები გამოძიების ობიექტურობის მიმართ. პასუხისგებაში უნდა მიეცეს ყველა ის პირი, ვინც ჟურნალისტებს ხელი შეუშალა პროფესიული საქმიანობის განხორციელებაში და დაუზიანა მათი კუთვნილი აპარატურა.

ასევე, გასათვალისწინებელია, რომ ეს არ არის პირველი შემთხვევა, როდესაც “რუსთავი 2”-ის ჟურნალისტები შეურაცხყოფისა თუ ფიზიკური ძალადობის ობიექტები გახდნენ საკუთარი პროფესიული საქმიანობის განხორციელებისას. ასევე ხშირია მაღალი თანამდებობის პირების მხრიდან ტელეკომპანიის თუ მისი ჟურნალისტების მიმართ აგრესიული რიტორიკა და სიტყვიერი შეურაცხყოფა, რაც საზოგადოებაში რუსთავი2-ის ჟურნალისტების მიმართ აგრესიის წახალისებას წარმოადგენს. შესაბამისად, განსაკუთრებით მნიშვნელოვანია აღნიშნული ფაქტის სწრაფი გამოძიება და შესაბამისი სამართლებრივი კვალიფიკაციის მინიჭება.

სურვილის შემთხვევაში, საერთაშორისო გამჭვირვალობა - საქართველომზად არის, შესაბამისი იურიდიული დახმარება გაუწიოს რუსთავი2-ის ჟურნალისტსა და ოპერატორს," - აღნიშნულია განცხადებაში.

სტატიაში გამოქვეყნებულ მასალაზე პასუხისმგებელია ავტორი გამოცემა
ინფორმაციის გავრცელებას უზრუნველყოფს სააგენტო REGIONS.GE
დასაკომენტარებლად გთხოვთ გაიაროთ ავტორიზაცია/რეგისტრაცია