შენახვა


გადაგზავნა

დაკომენტარება

სოციალური დახმარების ცენტრში თანამშრომლები გადაამზადეს

ახალი ამბები
წყარო:  შიდა ქართლი / http://qartli.ge/ 
 09 იანვარი 2019
საქართველოს ორ რეგიონში - შიდა და ქვემო ქართლში ჩატარებული პროექტის ფარგლებში, 7 სოციალური დახმარების ცენტრში აღდგენითი და სარემონტო სამუშაოების წარმატებით დასრულების შემდეგ დაიწყო პროექტის შემდეგი მნიშვნელოვანი ფაზა - სპეციალური მოსამზადებელი პროგრამა თანამშრომელთათვის. დასახელებული 7 ცენტრის 35-ვე თანამშრომელი ჩაეწერა სპეციალური, მოკლევადიანი სასწავლო სემინარების კურსზე. სემინერები ჩატარდა შემდეგ თემებზე: 1. ფსოქოლოგიური დახმარება ოჯახური ძალადობის/ძალადობის მსხვერპლი ბავშვებისათვის - 2 დღე 2. სუიციდური დეპრესიის გამომწვევი მიზეზები, სიმპტომები და დიაგნოსტიკა. 3. ახალგაზრდების სექსუალური განათლება და გათვითცნობიერება - 2 დღე. 4. პირველადი დახმარება და საგანგებო შემთხვევებზე რეაგირება - 4 დღე (2 ნაკადი) 5. ბავშვებში კომუნიკაციის დარღვევების კორექცია და დახმარება - 3 დღე 6. რთული და გამომწვევი ყოფაქცევის მართვა ბავშვებში 7. სტრესი და გადაღლილობა სამსახურში - 6 დღე (2 ნაკადი) პირველი სასწავლო სემინარი ჩატარდა 2018 წლის 23 ოქტომბერს. სემინარების დაწყებამდე ADRA-მ გამოაცხადა კონკურსი, რომელიც პროგრამაში მონაწილეობის მისაღებად იწვევდა კვალიფიციურ და გამოცდილ, პროფესიონალ მასწავლებლებს, თუმცა სამწუხაროდ კონკურსს არ ჰქონია გამოხმაურება. ამის განმაპირობებელი იყო ქვეყანაში ასეთი კადრების სიმცირე და მათი დატვირთული სამუშაო გრაფიკი. ამის გამო, ADRA-ს მოუხდა მასწავლებლების ძიება სხვადასხვა პრიფესიონალურ წრეში. ყველა სირთულის მიუხედავად, ADRA-მ მოახერხა და შეარჩია ამ პროექტისათვის სათანადო გამოცდილების მქონე რამდენიმე მაღალკვალიფიციური მასწავლებელი , მათ შორის ქეთევან თავართქილაძე, გიორგი დონაძე, დოქტორი გიორგი რეხვიაშვილი, რუსუდან ბოჭორიშვილი, თინათინ მეზვრიშვილი და რენატა ცომაია. ქ.-ნი ქეთევან თავართქილაძე საერთო ჯამში 8 დღიან სასწავლო კურსს გაუძღვა. მის მიერ განხილული თემები იყო - ფსოქოლოგიური დახმარება ოჯახური ძალადობის/ძალადობის მსხვერპლი ბავშვებისათვის და ახალგაზრდების სექსუალური განათლება და გათვითცნობიერება. ორივე სემინარი იკითხებოდა ქ.თბილისსა და ქ.გორში, თითო ქალაქში 4 დღის განმავლობაში. მომდევნო თემაზე სემინარი ჩაატარა ბ.-ნმა გიორგი დონაძემ, გამოცდილმა ლექტორმა და მასწავლებელმა ფსიქოლოგიის დარგში. ბ.-ნმა დონაძემ საერთო ჯამში 6 დღიანი სასწავლო კურსი ჩაატარა , თემებზე - სუიციდური დეპრესიის გამომწვევი მიზეზები, სიმპტომები და დიაგნოსტიკა, შესაბამისად გორსა და თბილისში. დოქტორმა გიორგი რეხვიაშვილმა, პროფესიით ექიმმა, საერთო ჯამში 8 დღიანი სასწავლო კურსი ჩაატარა, თემაზე - პირველადი დახმარება და საგანგებო შემთხვევებზე რეაგირება, 2 ნაკადით, გორსა და თბილისში. სასწავლო კურსი თემაზე - ბავშვებში კომუნიკაციის დარღვევების კორექცია და დახმარება - ჩაატარა მასწავლებელთა ჯგუფმა რუსუდან ბოჭორიშვილის ხელმძვანელობით. ეს 6 დღიანი სასწავლო კურსი ჩატარდა ნოემბრის ბოლოს, შესაბამისად გორსა და თბილისში. ქ.-ნმა თინათინ მეზვრიშვილმა საერთო ჯამში ჩაატარა 8 დღიანი სასწავლო კურსი გორსა და თბილისში, 4 დღე თითო ქალაქში, თემაზე „რთული და გამომწვევი ყოფაქცევის მართვა ბავშვებში“. ქ.-ნმა რენატა ცომაიამ ჩაატარა ჯამში 12 დღიანი სასწავლო კურსი, 6 დღე გორში და 6 დღე თბილისში, თემაზე „სტრესი და გადაღლილობა სამსახურში“. ჯამში, სწავლებას 53 მსმენელი დაესწრო. სასწავლო სემინარებს, რეგულარულად ესწრებოდა „ბავშვი და გარემოს“ 16 თანამშრომელი და „საზოგადოება ბილიკის“ 20 თანამშრომელი. გარდა მუდმივად დამსწრე 36 თანამშრომელისა, სასწავლო კურსებს „სტრესი და გადაღლილობა სამსახურში“ და „პირველადი დახმარება და საგანგებო შემთხვევებზე რეაგირება“ დაესწრო დამატებით 17 თანამშრომელი ორივე ორგანიზაციიდან. საერთო ჯამში 24 დღიანი სასწავლო კურსი 7 მნიშვნელოვან თემაზე გაიარა 53 თანამშრომელმა. თბილისში სემინარები ტარდებოდა 40 კვ. მ. ოთახში, არასამთავრობო ორგანიზაცია „ბავშვი და გარემოს“ შენობაში, მისამართზე აბასთუმნის ქუჩა 4. ეს არის ამ ორგანიზაციის წვლილი 24-ვე სასწავლო სემინარის ჩატარებაში. გორში სემინარები ტარდებოდა 38 კვ. მ. ოთახში, მისამართი - გორი, რუსთაველის ქ. 19. ეს არის ამ ორგანიზაციის წვლილი 24-ვე სასწავლო სემინარის ჩასატარებაში. ამ შენობებში მონაწილეებისათვის გამოყოფილი იყო სააბაზანო და სამზარეულო/სასადილო ოთახები. მთელი სასწავლო კურისის განმავლობაში ყველა მონაწილისა და მასწავლებისათვის გამოყოფილი იყო ტრანსპორტი და მზადდებოდა სადილი. გორსა და თბილისში საერთო ჯამში 48 დღიანი სასწავლო კურსი ჩატარდა.
სტატიაში გამოქვეყნებულ მასალაზე პასუხისმგებელია ავტორი გამოცემა
ინფორმაციის გავრცელებას უზრუნველყოფს სააგენტო REGIONS.GE
დასაკომენტარებლად გთხოვთ გაიაროთ ავტორიზაცია/რეგისტრაცია
ახალი ამბები
ახალი ამბები