შენახვა


გადაგზავნა

დაკომენტარება

ეკა ბესელია: ვიცე-სპიკერის პოსტის შეთავაზებით უნდოდათ ჩემი ჩამოშორება

პოლიტიკა
 14 იანვარი 2019

 

 

„დიახ, ზაფხულში იყო უფრო მაღალი თანამდებობის, ვიცე-სპიკერის თანამდებობის შემოთავაზება“, - განაცხადა ეკა ბესელიამ პარლამენტში გამართულ ბრიფინგზე. იურიდიული კომიტეტის ყოფილი თავმჯდომარის თქმით, მან ეს შეთავაზება მიიღო სასამართლო რეფორმის ფარგლებში არსებული განსხვავებული პოზიციის გამო, რათა ის ჩამოეშორებინათ იურიდიული კომიტეტისთვის: „მე მქონდა რამდენიმე საკითხზე პრინციპული პოზიცია, რომელიც განსხვავდებოდა იმ პოზიციისგან, რომელიც ჰქონდა ამ რეფორმის მონაწილე გარკვეულ ჯგუფს. რეფორმის ფარგლებში მუშაობს ხელისუფლების სამივე შტო. იყო რამდენიმე საკითხი, რომელზეც მე მქონდა კრიტიკული პოზიცია და მათ შორის იყო ორი საკითხი, რომლის კატეგორიული წინააღმდეგი ვიყავი. გარკვეული ჯგუფისთვის იურიდიული კომიტეტის თავმჯდომარე არ იყო სანდო და მგონია, რომ ამ შემოთავაზებით, ასე ჩავთვალე მაშინ, მოფიქრებული იყო სქემა, რომ იურიდიული კომიტეტი გათავისუფლებულიყო იმ თავმჯდომარისგან, რომელიც ხელს შეუშლიდა გარკვეული ჯფუფის ინტერესების გატარებას. ამიტომ იყო მოფიქრებული ეს ვერსია. დიახ იურიდიული კომიტეტი არ უნდა გახდეს ფილიალი იმ ჯგუფისა, რომელსაც საკუთარი ინტერესები აქვს და ეს ინტერესები არ მგონია, რომ იყოს სახელმწიფოებრივი ინტერესები“, - აცხადებს ეკა ბესელია.

სტატიაში გამოქვეყნებულ მასალაზე პასუხისმგებელია ავტორი გამოცემა
ინფორმაციის გავრცელებას უზრუნველყოფს სააგენტო REGIONS.GE
დასაკომენტარებლად გთხოვთ გაიაროთ ავტორიზაცია/რეგისტრაცია