შენახვა


გადაგზავნა

დაკომენტარება

16-17 წლის ასაკის მოსწავლეებისთვის ევროკავშირი აცხადებს მიღებას სასტიპენდიო პროგრამაზე

ახალი ამბები
წყარო:  შიდა ქართლი / http://qartli.ge/ 
სტატიაში გამოქვეყნებულ მასალაზე პასუხისმგებელია ავტორი გამოცემა
ინფორმაციის გავრცელებას უზრუნველყოფს სააგენტო REGIONS.GE
 16 იანვარი 2019
1 მარტის ჩათვლით ცხადდება ახალი სასტიპენდიო განაცხადების მიღება 16-17 წლის ასაკის მოსწავლეებისთვის სომხეთიდან, აზერბაიჯანიდან, ბელორუსიიდან, საქართველოდან, მოლდოვის რესპუბლიკიდან და უკრაინიდან, რომლებსაც სურთ ევროპისა და ევროკავშირის შესახებ ცოდნის გაღრმავება. სასტიპენდიო პროგრამა ფინანსდება ევროკავშირის მიერ, რომელიც ექვსი ქვეყნიდან 35 საუკეთესო მოსწავლეს მისცემს საშუალებას მაღალი დონის, საერთაშორისოდ აღიარებული ბაკალავრის საერთაშორისო დიპლომი მიიღოს, რომელიც ფოკუსირებული იქნება ევროპათმცოდნეობაზე. აღმოსავლეთ პარტნიორობის ევროპული სკოლის პროგრამა ხორციელდება "ახალ სკოლაში" თბილისში (საქართველოში) და მოიცავს ორწლიან სასწავლო კურსს, რომელიც 2019-2020 სასწავლო წელს იწყება. უნიკალური სადიპლომო პროგრამა აერთიანებს ბაკალავრის საერთაშორისო პროგრამის მაღალ აკადემიურ სტანდარტებს, ევროპული სკოლების სისტემის მიერ ინსპირირებული სპეციალიზირებული სწავლებით. შერჩეული სტუდენტები დაესწრებიან ლექციებს მრავალენოვან და მულტიკულტურულ გარემოში, ევროპისა და ევროკავშირის შესახებ და ევროპული ენების, ლიტერატურისა და ისტორიის ცოდნის გასაღრმავებლად. სტუდენტებს ასევე ექნებათ წვდომა მდიდარ კლასგარეშე პროგრამასთან და საშუალება ექნებათ მონაწილეობა მიიღონ მაღალი დონის კონფერენციებში ევროკავშირის საკითხებზე. სტუდენტები მიიღებენ ბაკალავრის საერთაშორისო დიპლომს ევროპათმცოდნეობაში. აღმოსავლეთ პარტნიორობის ევროპული სკოლა ჩამოყალიბდა ევროკავშირისა და მისი პარტნიორი ქვეყნების ძალისხმევის შედეგად, რომელიც ითვალისწინებს საგანმანათლებლო შესაძლებლობებისა და რეგიონთაშორისი გაცვლების გაძლიერებას ახალგაზრდებისთვის სომხეთიდან, აზერბაიჯანიდან, საქართველოდან, ბელორუსიიდან, მოლდოვიდან და უკრაინიდან. დაინტერესებულმა სტუდენტებმა უნდა წარმოადგინონ განაცხადები ვებსაიტის - www.eapeuropeanschool.eu საშუალებით 2019 წლის 1 მარტის 12:00 საათამდე (უნივერსალური გლობალური დრო, +4:00). შერჩევის პროცესი მოიცავს წერილობით ტესტებსა და ინტერვიუებს წინასწარ შერჩეული კანდიდატებისთვის. 2019-2020 სასწავლო წლის სტიპენდიანტების ჩამონათვალი გამოცხადდება 2019 წლის მაისის ბოლოს. დამატებითი ინფორმაციისთვის გთხოვთ ეწვიოთ ვებსაიტს: www.eapeuropeanschool.eu შეკითხვების შემთხვევაში დაგვიკავშირდით ელ-ფოსტის მისამართზე: This e-mail address is being protected from spambots. You need JavaScript enabled to view it ან დარეკეთ ნომერზე: + 995 32 225 70 06 (ფიქსირებული).
დასაკომენტარებლად გთხოვთ გაიაროთ ავტორიზაცია/რეგისტრაცია