შენახვა


გადაგზავნა

დაკომენტარება

ტყე-ტბა გულგულას ნაქალაქარის ტერიტორიაზე აღმოჩენილი არტეფაქტები თელავის მუზეუმში განთავსდება

ახალი ამბები
წყარო:  კახეთის ხმა / https://knews.ge/ 
 23 იანვარი 2019

თელავის მუნიციპალიტეტის მერიისა და საკრებულოს გადაწყვეტილებით, ტყე-ტბა გულგულას ნაქალაქარის ტერიტორიაზე ჩატარებული სადაზვერვო არქეოლოგიური სამუშაოების დროს აღმოჩენილი არტეფაქტები თელავის ისტორიულ მუზეუმს გადაეცა.

მერიაში აცხადებენ, რომ სამუშაოების დროს გამოვლინდა სხვადასხვა პერიოდის ნაგებობა, მათ შორის გვაინბრინჯაო-ადრე რკინის ხანის სადგომები, გალავნები, მარცვლეულის შესანახი ხარო, ქრისტიანული პერიოდის ხუროთმოძღვრული ძეგლები, განვითარებული შუა საუკუნეების (XI-XIII ს.ს.) კერამიკული მასალა, რკინის ისრის პირები, ლოდსატყორცნის ქვა (ჭურვი) და ა.შ.

უწყების ცნობით, აღმოჩენილი ექსპონატები თელავის არქეოლოგიურ მასალებთან ერთად, მუზეუმის საექსოპოზიციო დარბაზში განთავსდება.

ტყე-ტბა გულგულას ნაქალაქარს, რომელიც თელავის მუნიციპალიტეტის სოფელ თეთრიწყლების სამხრეთით მდებარეობს, გასული წლის დეკემბერში მიაკვლიეს. ტყე-ტბა გულგულა ვახუშტი ბატონიშვილსა და მე-11 საუკუნის ცნობილ ისტორიკოსს, ლეონტი მროველს თავიანთ ნაწერებში აქვთ მოხსენიებული. გარდა ამისა, ივანე ჯავახიშვილი ფიქრობს, რომ ეს ტერიტორია შესაძლოა კახეთ-ჰერეთის საზღვარი იყოს.

ნიკოლოზ ესიტაშვილი

სტატიაში გამოქვეყნებულ მასალაზე პასუხისმგებელია ავტორი გამოცემა
ინფორმაციის გავრცელებას უზრუნველყოფს სააგენტო REGIONS.GE
დასაკომენტარებლად გთხოვთ გაიაროთ ავტორიზაცია/რეგისტრაცია
ახალი ამბები
კახეთის ხმა

მოლოდინი