შენახვა


გადაგზავნა

დაკომენტარება

სოფელ ყარაჯალაში მომხდარ მკვლელობაში ბრალდებულის სახლს პოლიცია იცავს

საზოგადოება
წყარო:  სპექტრი / http://www.speqtri.ge/ 
ორიგინალი სტატია:  http://www.speqtri.ge/sazogadoeba/article/30197 
 05 თებერვალი 2019
თელავის მუნიციპალიტეტის სოფელ ყარაჯალაში, კონფლიქტის თავიდან აცილების მიზნით, 19 წლის ახალგაზრდის  მკვლელობაში ბრალდებულის ელბრუზა სულეიმანოვის საცხოვრებელს სახლს პოლიცია იცავს.
გარდაცვლილის ნათესავებმა კი ბრალდებულის ოჯახის სოფლიდან გასახლებაზე ხელმოწერების შეგროვება დაიწყეს.

ბრალდებულის ძმა მამედ სულეიმანოვი მედიასთან პირველ კომენტარს აკეთებს. სულეიმანოვი მომხდარზე წუხს, თუმცა მკვლელობის დეტალებზე არ საუბრობს.

დღესვე სოფლის ცენტრში აქცია გამართეს მოკლული ახალგაზრდის ნათესავებმა. ისინი ბრალდებულის ოჯახის წევრების სოფლიდან გასახლებას ითხოვენ, წინააღმდეგ შემთხვევაში სულეიმანოვების სახლის გადაწვით იმუქრებიან.
აქციის მონაწილეებს საქართველოს აზერბაიჯანელთა ეროვნული კონგრესის თავმჯდომარე რუსლან აშიროვი გამოეხმაურა. ის მხარეებს შეგირებისკენ მოუწოდებს და აცხადებს, რომ საქმის გამოძიება სამართალდამცველების პრეროგატივაა.

ცნობისთვის, სოფელ ყარაჯალში 19 წლის ბიჭი თანასოფლელმა ცეცხლსასროლი იარაღით პირველ თებერვალს მოკლა. შემთხვევა სოფლის მეჩეთის წინ მოხდა. გამოძიება სსკ-ის 108-ე, განზრახ მკვლელობის მუხლით მიმდინარეობს.


სტატიაში გამოქვეყნებულ მასალაზე პასუხისმგებელია ავტორი გამოცემა
ინფორმაციის გავრცელებას უზრუნველყოფს სააგენტო REGIONS.GE
დასაკომენტარებლად გთხოვთ გაიაროთ ავტორიზაცია/რეგისტრაცია