შენახვა


გადაგზავნა

დაკომენტარება

ფოთში მოსახლეობამ ჯანმრთელობისათვის მავნე ნივთიერებების ტრანსპორტირება გააპროტესტა

ახალი ამბები
წყარო:  მთავარი თემა სამეგრელოში / http://msnews.ge/ 
ორიგინალი სტატია:  http://msnews.ge/news/3813 
 21 აპრილი 2019

57408039_582955895528649_1130237810926682112_n

ფოთში თითქმის ერთი საათის განმავლობაში გადაკეტილი იყო გეზთან ახლოს მდებარე, ჯავახიშვილის ქუჩაზე
სატრანსპორტო მაგისტრალი. საპროტესტო აქციის მონაწილეებმა მძიმე წონიანი მანქანების გადაადგილება, ასევე ჯანმრთელობისათვის მავნე ნივთიერებებისა და ნორმების დარღვევით ტრანსპორტირება, გააპროტესტეს.

ჯავახიშვილის ქუჩის მაცხოვრებლების თქმით, ხელისუფლებას დახმარებისთვის არაერთხელ მიმართეს, თუმცა, უშედეგოდ.

,, მძიმე წონიან მანქანებს ტვირთები ისე გადააქვთ, რომ არაა უსაფრთხოების ნორმები დაცული. მთელი ღამის განმავლობაში საშინელი ხმაურია, აუტანელია საყვირების ხმაც. ხალხი იწამლება. რა ნივთიერებები გადაქვთ, არ ვიცით. ყოველ კვირა ერთ მიცვალებულს მივასვენებთ. ფილტვების დაავადებით იღუპებიან. პორტში მუდმივად სხვადასხვა სახის ტვირთი შემოდის. ქარის დროს საშინელი მტვერია და ვიხრჩობით. აქ ცხოვრება გაუსაძლისია. თუ პრობლემას ვერ აგვარებენ, გადაგვასახლონ სხვაგან“- გვითხრა აქციის მონაწილე ვეფხვია გულორდავამ.

აქციის მონაწილეებს ადგილობრივი ხელისუფლების წარმომადგენლები შეხვდნენ. ისინი მოსახლეობას ვითარებაში გარკვევას დაპირდნენ.

,,აქ ნორმების დარღვევით მიმდინარეობს თუ არა ტვირთების გადატანა, ამაში ჩვენ კომპეტენტური არ ვართ. მათ მოთხოვნაზე აქტიურად ჩაერთო ადგილობრივი ხელისუფლება პრობლემის მოგვარებაში. გარემოს დაცვის სამინისტროს წარმომადგენლები ჩამოსულები იყვნენ, ვითარებას ადგილზე გაეცნენ და შესაბამისი ღონისძიებებიც გაატარეს, თუმცა დასკვნა ჯერ არ გვაქვს მიღებული. მიმდინარეობს საკითხის განხილვა და რეაგირების გარეშე არ დარჩება,“- განაცხადა ფოთის მუნიციპალიტეტის ზედამხედველობის სამსახურის უფროსის მოვალეობის შემსრულებელმა დავით ჯგერენაიამ.

აქციაზე მობილიზებული იყო პოლიციაც.

საპროტესტო აქციის მონაწილეები ხელისუფლებას დროული რეაგირებისაკენ მოუწოდებენ, წინააღმდეგ შემთხვევაში, პერმანენტული საპროტესტო აქციები დააანონსეს.

სტატიაში გამოქვეყნებულ მასალაზე პასუხისმგებელია ავტორი გამოცემა
ინფორმაციის გავრცელებას უზრუნველყოფს სააგენტო REGIONS.GE
დასაკომენტარებლად გთხოვთ გაიაროთ ავტორიზაცია/რეგისტრაცია