დათო ტურაშვილი რუსთავში სკოლა "ლამპარს" ესტუმრა
დათო ტურაშვილი რუსთავში სკოლა "ლამპარს" ესტუმრა

ზვიად გამსახურდიას სახელობის, დავით მენაფირეს სკოლა "ლამპარში" ქართველ თანამედროვე მწერალთან, დათო ტურაშვილთან შეხვედრა გაიმართა. 
ღონისძიებას სკოლის მე-6, მე-7, მე-8, მე-9, მე-10 და მე-11 კლასის მოსწავლეები ესწრებოდნენ. 
მწერალმა მოზარდებს საკუთარი წიგნები წარუდგინა და მათთვის საინტერესო თემებზე ისაუბრა. 

"დღეს ბატონი დავითი გვესტუმრა სკოლაში, იყო ძალიან საინტერესო შეხვედრა, ბავშვებმა მიიღეს ამომწურავი ინფორმაცია ყველა იმ შეკითხვაზე, რაც აინტერესებდათ ბატონ დავითთან დაკავშირებით, მის მწერლობაზე, მის შეხედულებებზე და ძალიან კმაყოფილები ვართ, ლამაზად ჩაიარა დღევანდელმა დღემ" - აღნიშნა სკოლა "ლამპარის" დირექტორმა თემურ მენაფირემ.

შეხვედრის განმავლობაში მოსწავლეებს მწერალთან კითხვების დასმის საშუალებაც მიეცათ, ღონისძიების დასასრულს კი მსურველებმა  დათო ტურაშვილისგან წიგნებზე ავტოგრაფი მიიღეს.

"ინფორუსთავი"

10.02.2018
 
ინფორმაცია მოწოდებულია:
სტატიაში გამოქვეყნებულ მასალაზე პასუხისმგებელია ავტორი გაზეთი.

ინფორმაციის გავრცელებას უზრუნველყოფს სააგენტო REGIONS.GE