შენახვა


გადაგზავნა

დაკომენტარება

ორიგინალური არტობიექტები გურჯაანის საზღვრებთან

საზოგადოება
წყარო:  სპექტრი / http://www.speqtri.ge/ 
სტატიაში გამოქვეყნებულ მასალაზე პასუხისმგებელია ავტორი გამოცემა
ინფორმაციის გავრცელებას უზრუნველყოფს სააგენტო REGIONS.GE
 29 ივლისი 2020
გურჯაანის მუნიციპალიტეტის საზღვარზე, ორ შემოსასვლელში არტობიექტები გაკეთდება. როგორც გურჯაანის ვიცე მერმა თეიმურაზ ზავრაშვილმა გვითხრა, იდეის ავტორი მაჟორიტარი დეპუტატი დავით სონღულაშვილია.

„ყველა წამოწყებას თავისი ინიციატორი ყავს, ეს პროექტი ჩვენს დეპუტატს დავით სონღულაშვილს ეკუთვნის. როგორც გაირკვა, ბევრ ადამიანს თურმე, კაჭრეთი საგარეჯოს მუნიციპალიტეტის სოფელი ჰგონია. ანუ სად იწყება და მთავრდება გურჯაანი არ იციან. აქედან წარმოიშვა იდეა, რომ საზღვრები არტობიექტებით გამოვყოთ. ბატონმა დავითი შეხვდა ჩვენს სახელგანთქმულ მოქანდაკეს- ზურა ჯოხაძეს, რომელმაც თავისი ხედვები გაგვიზიარა და ჩანახატებიც გვაჩუქა. “

მისივე თქმით, მუნიციპალიტეტს სულ ექვსი შემოსასვლელი აქვს, თუმცა ამ ეტაპზე მხოლოდ ორი მათგანის გაკეთება მოხერხდება.
„ კოვიდმა ყველაფერზე იმოქმედა, დროც გადაიწია და საშუალებაც აღარ არის. მარტო სასურსათო პაკეტებზე ძალიან დიდი თანხა წავიდა. ამიტომ გადავწყვიტეთ, მხოლოდ ორ შემოსასვლელში გავაკეთოთ: თელავის და თბილისის მხრიდან. გვინდოდა ყოფილიყო ძალიან ლამაზი, აქცენტი გაკეთებულიყო, რომ ჩვენ ვართ მეღვინეობის მუნიციპალიტეტი. ამ მიზნით, მერიაში შეიქმნა კომისია, რომელშიც შედიოდნენ ინფრასტრუქტურის, ზედამხედველობის, კულტურის სამსახურების წარმომადგენლები და ერთობლივად მივიღეთ გადაწყვეტილება. მოეწყობა სხვადასხვა არტობიექტები კახური ქვევრების, კავკასიონის ხედით და გურჯაანისთვის დამახასიათებელი სხვა შტრიხებით.“

თეიმურაზ ზავრაშვილის განმარტებით, უკვე გამოვლენილია პროექტანტი. მოხდება ხარჯთაღრიცხვა, პარალელურად მიმდინარეობს ადგილის შერჩევ, სადაც უნდა განთავსდეს კონსტრუქციები. არტობიექტები ნაწილობრივ ადგილობრივი ბიუჯეტიდან, ნაწილობრივ კი მოძიებული თანხებით გაკეთდება.


დასაკომენტარებლად გთხოვთ გაიაროთ ავტორიზაცია/რეგისტრაცია