შენახვა


გადაგზავნა

დაკომენტარება

„ნაციონალურმა მოძრაობამ“ ახალი საარჩევნო ბლოკი შექმნა

საზოგადოება
წყარო:  სპექტრი / http://www.speqtri.ge/ 
სტატიაში გამოქვეყნებულ მასალაზე პასუხისმგებელია ავტორი გამოცემა
ინფორმაციის გავრცელებას უზრუნველყოფს სააგენტო REGIONS.GE
 16 სექტემბერი 2020
„ნაციონალურმა მოძრაობამ“ საარჩევნო ბლოკი „გაერთიანებული ოპოზიცია – ძალა ერთობაშია“ შექმნა.

ბლოკში 4 პარტია: „რესპუბლიკური პარტია“, „პროგრესი და თავისუფლება“, „სახელმწიფო ხალხისთვის“ და „ევროპელი დემოკრატები“ გაერთიანდნენ. შემადგენლობაში შემავალი პოლიტიკური სუბიექტები საპარლამენტო არჩევნებზე საერთო პროპორციული სიით წარდგებიან.

ახალი საარჩევნო ბლოკის შექმნის შესახებ ენმ-ის ლიდერმა გრიგოლ ვაშაძემ ისაუბრა.
„საზოგადოებას, ამომრჩეველს, პრესას, ბოლო თვეების განმავლობაში აინტერესებდა, ხომ არ დაიშალა გაერთიანებული ოპოზიცია? არათუ დაიშალა, არამედ გაფართოვდა, ძალა და რესურსი შეემატა. პირობას გაძლევთ, რომ ეს გაერთიანება, რომელიც 2018 წელს შეიქმნა გადამწყვეტ გამარჯვებას მიაღწევს 2020 წლის საპარლამენტო არჩევნებზე იმისათვის, რომ საქართველომ დაიბრუნოს თავისუფლება და დაბრუნდეს განვითარების გზაზე“, - განაცხადა მან

შეგახსენებთ, რომ საპარლამენტო არჩევნები 31 ოქტომბერს ჩატარდება.

დასაკომენტარებლად გთხოვთ გაიაროთ ავტორიზაცია/რეგისტრაცია