კორონავირუსის ყველაზე მეტი შემთხვევა თბილისში გამოვლინდა

უწყებათაშორის საკოორდინაციო საბჭოსთან არსებული ოპერაციული შტაბის უფროსის მოადგილის, ბერდია სიჭინავას ინფორმაციით, კოვიდინფიცირების 538 ახალი დადასტურებული შემთხვევიდან ყველაზე მეტი- 257 თბილისში გამოვლინდა.

რეგიონების მიხედვით მონაცემები ასე გამოიყურება: თბილისში 257 შემთხვევა, აჭარა - 68, იმერეთი - 55, ქვემო ქართლი - 29, შიდა ქართლი - 16, გურია - 14, სამეგრელო - ზემო სვანეთი - 34, კახეთი - 36, მცხეთა-მთიანეთი - 19, სამცხე-ჯავახეთი - 8, რაჭა-ლეჩხუმი და ქვემო სვანეთი - 2.

შეგახსენებთ, რომ საქართველოში კორონავირუსის 222 143 შემთხვევაა დადასტურებული. მათ შორის გამოჯანმრთელდა 206 313. გარდაიცვალა 2 418. კარანტინის რეჟიმშია - 420, სტაციონარში მეთვალყურეობის ქვეშ რჩება 5 677. კლინიკურ სასტუმროში იმყოფება 1 393 მოქალაქე.