შენახვა


გადაგზავნა

დაკომენტარება

დედოფლისწყაროში წიგნის საერთაშორისო დღე აღნიშნეს

კულტურა
წყარო:  სპექტრი / http://www.speqtri.ge/ 
სტატიაში გამოქვეყნებულ მასალაზე პასუხისმგებელია ავტორი გამოცემა
ინფორმაციის გავრცელებას უზრუნველყოფს სააგენტო REGIONS.GE
 23 აპრილი 2021
წიგნის საერთაშორისო დღე აღინიშნა დედოფლისწყაროს ცენტრალურ ბიბლიოთეკაში. საბიბლიოთეკო კვირეული სიმბოლურად სწორედ ამ დღეს გაიხსნა. ასევე აღინიშნა წიგნის ჩუქების დღე. ბიბლიოთეკის თანამშრომლებმა რამდენიმე აქტიურ მკითხველს საჩუქრად წიგნები გადასცეს. ასეთივე საჩუქარი მიიღო ბიბლიოთეკამ მკითხველებისგანაც.

დედოფლისწყაროს კულტურისა და ძეგლთა დაცვის ცენტრის დირექტორმა, ილია მარტყოფლიშვილმა ცენტრალური ბიბლიოთეკის ღვაწლმოსილი თანამშრომლები და საბიბლიოთეკო გაერთიანების ხელმძღვანელი, მანანა მაჭარაშვილი მადლობის სიგელით დააჯილდოვა და სიმბოლური საჩუქრები გადასცა.

ღონისძიებაში საბავშვო ბიბლიოთეკაც მონაწილეობდა, აქტიურმა მოზარდმა მკითხველებმა ლექსები წაიკითხეს.

23 აპრილი - წიგნის საერთაშორისო დღეა. ეს თარიღი "იუნესკომ" უილიამ შექსპირის დაბადების და გარდაცვალების გამო აირჩია და წიგნის საერთაშორისო დღედ გამოაცხადა.

[R]
დასაკომენტარებლად გთხოვთ გაიაროთ ავტორიზაცია/რეგისტრაცია