ნიკო კეცხოველის პრემია 2019

ნიკო კეცხოველის პრემია 2019 CENN-მა, გარემოს დაცვისა და სოფლის მეურნეობის სამინისტრომ, განათლებისა და მეცნიერების სამინისტრომ, საქართველოს პარლამენტთან ერთად, სასკოლო კონკურსის ნიკო კეცხოველის 2019 წლის პრემიის ნახევარფინალისტები გამოავლინა. თემა– მდგრადი განვითარების მიზნები. ნახევარფინალში მონაწილეობდა სამი რეგიონი- კახეთი, ქვემო და შიდა ქართლი. მეხუთე წელია, რაც კონკურსი ტარდება და ქვეყნის მასშტაბით 700 სკოლაა ჩართული. ნახევარფინალში ქვემო ქართლიდან მოხვდა რამდენიმე საჯარო სკოლა, მათ შორის დაბა კაზრეთის, მარნეულის, შულავერისა და წალკის სკოლები. მოსწავლეებს ფასიანი საჩუქრები გადასცა ბოლნისის მუნიციპალიტეტის მერიამ. ხოლო, საინტერესო პრეზენტაციისთვის, დაბა კაზრეთის №2 საჯარო სკოლამ 10 დღიანი საგზური მიიღო.