შენახვა


გადაგზავნა

დაკომენტარება

"საქართველო არის მდიდარი მთავრობის ღარიბი ქვეყანა"

პოლიტიკა
წყარო:  გურიის მოამბე / http://guriismoambe.com/ 
სტატიაში გამოქვეყნებულ მასალაზე პასუხისმგებელია ავტორი გამოცემა
ინფორმაციის გავრცელებას უზრუნველყოფს სააგენტო REGIONS.GE
 03 აგვისტო 2020

პარტია „ევროპული საქართველოს“ ლიდერის, დავით ბაქრაძის განცხადებით, 2020 წლის საპარლამენტო არჩევნებზე პარტია ამომრჩეველს ჰპირდება კეთილდღეობას, დაცულობას და დასავლეთთან ინტეგრაციას.

ამის შესახებ ბაქრაძემ ალექსანდროვის ბაღში, მაჟორიტარი კანდიდატების წარდგენისას განაცხადა.

„რატომ არის მნიშვნელოვანი ოქტომბრის საპარლამენტო არჩევნები? იმიტომ, რომ დღეს საქართველო არის მდიდარი მთავრობის ღარიბი ქვეყანა. საქართველოს დღეს მართავს ოლიგარქი, რომელსაც არ ესმის და არ აწუხებს ხალხის გაჭირვება.

საქართველოს დღეს მართავს მთავრობა, რომელიც წლიდან წლამდე უფრო მეტს ხარჯავს საკუთარ კომფორტსა და ფუფუნებაზე. საქართველოს დღეს მართავს ხელისუფლება, რომელიც ჩაძირულია ნეპოტიზმსა და კორუფციაში, წილებსა და „ატკატებში“. ეს არის მათი საქართველო, მათი საქართველო არის ოლიგარქის შუშის სასახლეში, კორუქციასა და კრიმინალში, მაგრამ არის სხვა საქართველო, რომელიც დღეს არის პრობლემებში, გაჭირვებაში, სიღარიბესა და უიმედობაში, სწორედ ეს საქართველო უნდა გადავარჩინოთ ოქტომბრის არჩევნებზე. ეს არის ბრძოლა თითოეული ოჯახის კეთილდღეობისთვის. „ევროპული საქართველოს“ მთავარი დაპირებაა – კეთილდღეობა, დაცულობა და დასავლეთთან ინტეგრაცია“, – განაცხადა ბაქრაძემ.

როგორც ბაქრაძემ აღნიშნა, მოსახლეობის კეთილდღეობისთვის პარტია გადასახადებს შეამცირებს, რაც მისივე თქმით, ამ კრიზისის პირობებში ბიზნესის გადარჩენას ნიშნავს.

„გადასახადის შემცირებით თითეულ ოჯახს წელიწადში 200 ლარს დაუზოგავს“, – განაცხადა ბაქრაძემ.

დასაკომენტარებლად გთხოვთ გაიაროთ ავტორიზაცია/რეგისტრაცია