გურია

შენახვა


გადაგზავნა

დაკომენტარება

გურიაში სახელმწიფო რწმუნებულის პირველმა მოადგილემ, ოზურგეთში მიმდინარე ინფრასტრუქტურული სამუშაოები დაათვალიერა

პოლიტიკა
წყარო:  გურიის მოამბე / http://guriismoambe.com/ 
სტატიაში გამოქვეყნებულ მასალაზე პასუხისმგებელია ავტორი გამოცემა
ინფორმაციის გავრცელებას უზრუნველყოფს სააგენტო REGIONS.GE
 29 მარტი 2019

გურიაში სახელმწიფო რწმუნებულის პირველმა მოადგილემ აკაკი შენგელიამ, ოზურგეთის მერის მოადგილესთან ოსიკო თოთიბაძესთან ერთად, ოზურგეთში მიმდინარე ინფრასტრუქტურული სამუშაოები დაათვალიერა.

სოფელ მაკვანეთისა და სოფელ ბახვის საჯარო სკოლებში, მიმდინარეობს ფანჯრების, საკლასო ოთახებისა და კიბის სარეაბილიტაციო სამუშაოები. პროექტის ღირებულება 48 999 ლარს შეადგენს. სამუშაოებს, რომელსაც შპს „ბილდ მენეჯმენტი“ აწარმოებს მიმდინარე წლის აპრილის თვეში დასრულდება.

დაბა ნარუჯის საჯარო სკოლაში, მიმდინარეობს საკლასო ოთახების რეაბილიტაცია. პროექტის ღირებულება 95 037 ლარს შეადგენს. სამუშაოებს შპს „მეგა 8“ აწარმოებს და მიმდინარე წლის მაისის თვეში დასრულდება.

ნასაკირალის საჯარო სკოლაში მოეწყობა სველი წერტილები. პროექტის ღირებულება 49 500 ლარს შეადგენს, სამუშაოებს შპს კი „მშენებელი 777 – 7“ ახორციელებს.

აღნიშნული სამუშაოები სახელმწიფო ბიუჯეტიდან ფინანსდება.

დასაკომენტარებლად გთხოვთ გაიაროთ ავტორიზაცია/რეგისტრაცია