შენახვა


გადაგზავნა

დაკომენტარება

პარლამენტმა სასკოლო გამოცდების მოხსნის კანონპროექტი ჩააგდო

საზოგადოება
წყარო:  გურიის მოამბე / http://guriismoambe.com/ 
სტატიაში გამოქვეყნებულ მასალაზე პასუხისმგებელია ავტორი გამოცემა
ინფორმაციის გავრცელებას უზრუნველყოფს სააგენტო REGIONS.GE
 05 აპრილი 2019

პარლამენტმა მთავრობის მიერ ინიცირებული კანონპროექტი ჩააგდო. საქმე ეხება „ზოგადი განათლების შესახებ“ საქართველოს კანონში ცვლილების შეტანას, რომელიც ინიციატორთა მოთხოვნით დაჩქარებული წესით განიხილებოდა.

წარმოდგენილი კანონპროექტის თანახმად იგეგმებოდა სკოლის გამოსაშვები გამოცდების გაუქმება, რაც სრული ზოგადი განათლების დამადასტურებელი სახელმწიფო დოკუმენტის ზოგადი განათლების საშუალო საფეხურის დაძლევის შემდგომ გაცემას გულისხმობდა.

კანონპროექტს 54-მა დეპუტატმა დაუჭირა მხარი, ხოლო კანონპროექტის დამტკიცებას 76 ხმა სჭირდებოდა.

დეპუტატებმა კენჭისყრის დასრულების შემდეგ განმარტეს, რომ პარლამენტის თავმჯდომარის ხმა არ ესმოდათ და ვერ გაიგეს, რომელ კანონპროექტს უყრიდნენ კენჭს.

"ქართული ოცნების" დეპუტატმა, ლევან კობერიძემ კანონპროექტის კენჭისყრაზე განმეორებით დაყენება მოითხოვა, თუმცა, ირაკლი კობახიძემ მისი მოთხოვნა არ დააკმაყოფილა.

მთავრობა კანონპროექტის ჩაგდების შემდეგ განმეორებით მიმართავს პარლამენტს.

დასაკომენტარებლად გთხოვთ გაიაროთ ავტორიზაცია/რეგისტრაცია