სტიქიამ თელავის მუნიციპალიტეტი დააზარალა

რამდენიმე საათიანმა გადაუღებელმა წვიმამ პრობლემები შექმნა თელავის მუნიციპალიტეტში. სტიქიამ ზარალი მიაყენა ხუთ სოფელს.

მდინარე ალაზნის მარცხენა შენაკადზე წყლის დონის საგრძნობლად მატებამ სოფელ ფშაველში, სანიორეში, ართანაში, ლალისყურსა და ლეჩურში სასოფლო- სამეურნეო სავრგულები დააზიანა. დატბორილია რამდენიმე საცხოვრებელი სახლიც.

საავტომობილო მოძრაობა შეფერხებულია სოფელ ლეჩურში. თელავის მუნიციპალიტეტის მერიის ინფორმაციით, სტიქიისგან მიყენებულ ზარალს სპეციალური კომისია შეისწავლის. სტიქიის ზონაში მობილიზებულია შესაბამისი ტექნიკა.

ნიკოლოზ ესიტაშვილი