"საჩუქრებსაც ვუკეთებ დღესასწაულებზე"- ქუტიძე დასუფთავების აქციას გამოეხმაურა

„გურიის მოამბის" ვებგვერდზე გუშინ გასულ წერილთან დაკავშირებით, სადაც ოზურგეთის დასუფთავების სამსახურის წარმომადგენლების მიერ გამართულ  საპროტესტო აქციაზე იყო საუბარი და  სადაც ისინი ხელფასების დაგვიანებით დარიცხვის გამო,  სამსახურის ხელმძღვანელის მისამართით უკმაყოფილებას გამოხატავენ, კომენტარისთვის დასუფთავების სამსახურის უფროსს თემურ ქუტიძეს დავუკავშირდით, რომელიც ირწმუნება, რომ ისინი უკანონოდ არაფერს აკეთებენ და არც თანამშრომლების პრეტენზიებს იზიარებენ:

„ლადო ხოსრომაშვილმა პირდაპირ მოგვცა რეკომენდაცია,  არ შეიძლება არაფრით თვის ხელფასი ათი დღით ადრე გაიცესო, ანუ 20-ში და 21-შიო და ჩემი თანამშრომლები  ითხოვენ 23-24-ში ხელფასს. მე შემექმნა პრობლემები.  ზოგმა შვებულება აიღო, ზოგი სამსახურიდან წავიდა, განცხადება დამიტოვა და გაიქცა. 3 თვეა ვეუბნები მათ თვის ბოლოს გადავიტანოთ,  მაგალითად ამ თვეში 28-ში მოუწევთ ხელფასის აღება.მითხრეს  ბანკებთან გვაქვს პრობლემებიო. ველაპარაკე  ყველა ბანკს (კრედო, საქართველო, ვითიბი).არაფერი პრობლემა არააო, მოგვმართონ და გადაუვადებთ იმ რიცხვში, რომელსაც მიგვითითებენო .სესხის დაფარვის დროს ნუ მოვლენ, მაშინ ვერ გავუკეთებთ ვერაფერსო. გავიდა 3 თვე 4. წინა თვეშიც იგივე პრობლემა წარმოიქმნა და  ზუსტად 20-21-ში კიდევ ასეთი ამბავი ატეხეს. კარგით,  ამ თვეში  დაგირიცხავთ ისევ 20-21 ში და მერე მოაგვარეთ  ეს პრობლემა-მეთქი. გავიდა ეს ერთი თვეც და მოვიდნენ კიდევ ისევ იგივე პრობლემებით, ზოგს შვებულება უნდა, ზოგი  ავად არის სამკურნალოდ უნდა  წავიდეო, ზოგი სამსახურიდან მიდის, უკვე ხელფასი რომ გაცემული მაქვს და ასეთი პრობლემებია , სხვა აიპებშიც და ისინიც  აპირებენ გადასვლას, უბრალოდ მე სამი თვის  წინ დავიწყე გაფრთხილება და მეგონა რომ  ყველას მოგვარებული აქვს, რამოდენიმე პიროვნების გარდა, ისიც ვუთხარი თუ ვინმესთან წარმოგექმნებათ პრობლემა  ბანკთსან, მითხარით-მეთქი და მე დაგილაგებთ  და მოგიგვარებთ მაგ სიტუაციასაც-თქო. არაფერი  არ არის ბუღალტერის ბრალი.

მეეზოვებს კი არ ვურიცხავ მასე, მთელი სამსახური გადადის ხელფასის მიღების სისტემაზე თვის ბოლოს სამუშაო დღეს. მაგალითად ამ თვეში შაბათი-კვირა უწევს. ჩვენ  ასეთი სისტემა დაგვხვდა,  ეს არასწორია. ავანსად ხელფასისი გაცემა არ შეიძლება. ძალიან მეწყინა, რომ თქვეს, გვერდში არ გვიდგასო.  მე რაც მოვედი აქ  80 ლარი  ხელფასი დავუმატე. სუბსიდირებული თანხაა. ამას გაკეთება უნდა, მოთხოვნა უნდა, თანხის ჩასმა უნდა ბიუჯეტში, მერიამ   უნდა გამოითხოვოს  და მაქსიმალურად რაც შიზძლება ვაკეთებ, ეს რომ იყო შ.პ.ს.  იურიდიული პირი, კი შენს გემოზე დაამატებ როგორც გინდა ხელფასს და ჩვენს შემთხვევაში თუ თანხა არ მოიძიე და მუნიციუპალიტეტმა არ დამიფნანსა ვერაფერს  ვაკეთებთ. კიდევ მინდა მოვიძიო თანხები და კიდევ დავუმატო, მაგრამ აგენი ამას არაფრად არ თვლიან. კიდევ ყურადღებას არ მაქცევსო  რომ თქვეს, როგორ არ ვაქცევ? არ არსებობს 8 მარტი, დასუფთავების დღე, ახალი წელი პრემიები რომ არ დავურიგო. არავისთვის არ მიმიცია და მაგათ მივეცი. მეტიც მინდა გავუკეთო, მაგრამ არაა ამის საშუალება. რაც აქამდე არ ჰქონიათ, ყველაფერს ვყიდულობ: აღჭურვილობას,  „პლაშია“, ხელთათმანია  თუ რაც  არის საჭირო.“- გვითხრა ქუტიძემ.