შენახვა


გადაგზავნა

დაკომენტარება

ახალშობილს სახელი პოლიციელებმა შეურჩიეს - "ბიჭი გვეგონა მაგრამ გოგო აღმოჩნდა და მარიამი დავარქვით"

საზოგადოება
წყარო:  გურიის მოამბე / http://guriismoambe.com/ 
სტატიაში გამოქვეყნებულ მასალაზე პასუხისმგებელია ავტორი გამოცემა
ინფორმაციის გავრცელებას უზრუნველყოფს სააგენტო REGIONS.GE
 16 აგვისტო 2019

(გურიის მოამბე) ოზურგეთელი პოლიციელი დღის გმირი გახდა: "ბიჭი გვეგონა მაგრამ გოგო აღმოჩნდა და მარიამი დავარქვით"

გურიის პოლიციის დეპარტამენტის თანამშრომელი 39 წლის პოლიციის პოლკოვნიკი აჩიკო (არსენ) ახალკაცი ოზურგეთში დღეს ადრე დილით განვითარებულმა მოვლენებმა დღის გმირად აქცია.

პოლიციის პოლკოვნიკი თანამშრომლებთან გიორგი შარაშენიძესთან და მიხეილ გიგაშვილთან ერთად ახალშობილის სამძებრო სამუშაოების დასაწყებად ოზურგეთიდან სოფელ ძიმითისაკენ ადრე დილით, დაახლოებით 4 საათზე გაემგზავრნენ.

ინფორმაცია მწირი არ იყო, ოზურგეთის მედალფას კლინიკაში იმყოფებოდა მელოგინე ქალი, თუმცა ნაყოფი მას თან არ ახლდა და ქალიც მის მშობიარობასთან დაკავშირებით ინფორმაციას არ იძლეოდა,  ეს გარემოება ახალშობილის პოვნას ართულებდა.

პოლიციელებმა დაადგინეს ქალბატონის ვინაობა, საცხოვრებელი ადგილი და ძიმითისაკენ ფანრებით შეიარაღებულები წავიდნენ:

"სიბნელის გამო ძებნას ფანრებით ვახორციელებდით, დაახლოებით 20 წუთის შემდეგ, როცა უკვე მთელი ტერიტორია შემოვლილი გვქონდა, მოგვესმა უმნიშვნელო, სუსტი ხმა, ამ ხმის მიმართულებით წავედით და ვნახეთ ბალახებში მიგდებული ახალშობილი, რომელსაც ბევრი მწერი და ჭიანჭველა ეხვია, გავასუფთავეთ ნაგავისაგან და ავიყვანე ხელში, ვიგრძენი რომ ბავშვი ძალია ცივი იყო, ბიჭები, თანამშრომლები გზას ფანრებით მინათებდნენ, რაც შემეძლო ჩავიხუტე რომ გამეთბო და წავიყვანეთ მანქანაში სადაც იმწამსვე გათბობა ჩავრთეთ" - იხსენებს მომხდარს "გურიის მოამბესთან" საუბარში ახალკაცი.

და აგრძელებს:"თავიდან ბიჭი გვეგონა მაგრამ გოგო აღმოჩნდა და ვინაიდან აგვისტოა, მარიამობას ველოდებით დავარქვით მარიამი." გვითხრა პოლიციის პოლკოვნიკმა. 

ცნობისათვის: ექსკლუზივი: ოზურგეთში ახალგაზრდა გოგონამ საკუთარ სათხილეში იმშობიარა და ახალშობილი მიატოვა

ავტორი: გურიის მოამბე
ექსკლუზივი: ოზურგეთში ახალგაზრდა გოგონამ საკუთარ სათხილეში იმშობიარა და ახალშობილი მიატოვა
ოზურგეთელმა მედიკოსებმა და პოლიციამ გატარებული ერთობლივი ღონისძიებების შემდეგ ახალშობილის პოვნა, რომელსაც დედა საგულდაგულოდ მალავდა, შეძლეს და ის ოზურგეთის მედალფას სამშობიარო განყოფილებაში გადაიყვანეს.
ჩვილის სარეაბილიტაციო სამუშაოები 4 საათს გრძელდებოდა და მედიკოსებმა მისი გადარჩენა შეძლეს.
ექიმების თქმით 31 წლის ოზურგეთელი გოგონა ოზურგეთის სასწრაფო სამედიცინო ბრიგადამ ამ  ღამის სამ საათზე საშვილოსნოდან სისხლდენით შემოიყვანა.
ექიმებმა იეჭვეს რომ ქალი მელოგინე იყო თუმცა არაერთი კითხვის მიუხედავად ქალბატონი მომხდარს მალავდა.
ამის შემდეგ, გამოიძახეს პოლიცია რომელმაც ქალბატონის საცხოვრებელი სახლის სათხილეში ახალშობილი იპოვა.
მას მწერები და ჭიანჭველები ესეოდა - ამბობს ექიმი.
მელოგინე ქალბატონი ოზურგეთის მედალფას კლინიკის სამშობიარო განყოფილებაში იმყოფება
ოზურგეთის "მედალფას" კლინიკის" მენეჯერის, დავით მდინარაძის განცხადებით,ამ წუთისთვის ახალშობილის სიცოცხლეს საფრთხე არ ემუქრება:
"მდგომარეობა თავისთავად მძიმე იყო, ახალშობილი ვიპოვეთ მშობიარობიდან 4-5 საათში, მიხარია რომ მისი გადარჩენა შევძელით, სამ საათზე მეტ ხანს დაუღალავად მუშაობდა მთელი გუნდი, დამერწმუნეთ ეს ადვილი არ ყოფილა" - გვიყვება მდინარაძე.
დასაკომენტარებლად გთხოვთ გაიაროთ ავტორიზაცია/რეგისტრაცია