ბორჯომში, ბუნების შემეცნებით ბილიკზე, დაფები და სკამი დააზიანეს

ინფორმაციასა და ფოტოებს ამის შესახებ, ტელეკომპანია „ბორჯომი“ ავრცელებს. „შვიდბილიკაზე“, საინფორმაციო-საინტერპრეტაციო დაფები, მოაჯირები, და დასასვენებელი სკამი, NACRES-მა, სამცხე ჯავახეთის მედია ცენტრთან პარტნიორობით, ეკოგრანტების პროგრამის ფარგლებში, BP-ის დაფინანსებით, გასულ თვეში განათავსა. ინფრასტრუქტურის მოწყობით, ბილიკს მიეცა ახალი დატვირთვა. გარდა გასეირნებისა, აქ შესაძლებელია გაეცნოთ ინფორმაციას ბორჯომის ფლორასა და ფაუნას შესახებ, ასევე –ბუნებაში ქცევის წესებს. „ბორჯომის“ ინფორმაციით, დაზიანებული ინფრასტრუქტურა NACRES-ის წარმომადგენლების მიერ უკვე აღდგენილი და მოწესრიგებულია. მისი წარმომადგენლები მოქალაქეებს მოუწოდებენ, თავი შეიკავონ ვანდალიზმისგან და გაუფრთხილდნენ არსებულ ინფრასტრუქტურას.[sknews.ge]