შენახვა


გადაგზავნა

დაკომენტარება

საფეხბურთო კლუბმა “თელავმა” ბარსელონას ფეხბურთელი იყიდა

ახალი ამბები
წყარო:  კახეთის ხმა / https://knews.ge/ 
სტატიაში გამოქვეყნებულ მასალაზე პასუხისმგებელია ავტორი გამოცემა
ინფორმაციის გავრცელებას უზრუნველყოფს სააგენტო REGIONS.GE
 11 ნოემბერი 2019

ეროვნულ ლიგა 2-ში მოასპარეზე საფეხბურთო კლუბ “თელავს” ახალი ლეგიონერი ჰყავს. თელავმა ბარსელონას ფეხბურთელი, 23 კამერუნელი ლიონელ ენგუენე იყიდა. კამერუნელი ლეგიონერი საფეხბურთო კლუბ “თელავში” 10-ნომრიანი მაისურით ითამაშებს.

ენგუენე 1996 წლის 7 იანვარს დაიბადა კამერუნის ქალაქ ბერტუაში და ამპლუით ნახევარმცველია. მან ფეხბურთის თამაში ლეგენდარული კამერუნელი თავდამსხმელის, სამუელ ეტოოს სახელობის აკადემიაში დაიწყო, შემდეგ კატალონიაში გადავიდა და 2007-2015 წლებში “ბარსელონას” აკადემიაში ვარჯიშობდა.

2015-2016 წლების საფეხბურთო სეზონი “ბარსელონა B”-ში დაიწყო, რომლის შემადგენლობაშიც 12 მატჩი ჩაატარა და 2016-ის იანვარში იჯარის წესით თურქულ “ანთალიასფორს” მიაშურა, სადაც 6 მატჩი ითამაშა. 2017-წლის იანვრიდან მან პორტუგალიურ “ლეიშოეშში” ჩაატარა 2 მატჩი.

ლიონელ ენგუენეს კამერუნის 20-წლამდელთა ნაკრებშიც აქვს ნათამაშევი 3 მატჩი და მან “ბარსელონას” შემადგენლობაში 2013-2014 წლების სეზონის უეფას ახალგაზრდული ჩემპიონთა ლიგაც მოიგო.

დასაკომენტარებლად გთხოვთ გაიაროთ ავტორიზაცია/რეგისტრაცია