კახეთი

შენახვა


გადაგზავნა

დაკომენტარება

,, ახალ ლიდერთა ინიციატივა” თელავში რეგიონულ შეხვედრას გამართავს

ახალი ამბები
წყარო:  კახეთის ხმა / https://knews.ge/ 
სტატიაში გამოქვეყნებულ მასალაზე პასუხისმგებელია ავტორი გამოცემა
ინფორმაციის გავრცელებას უზრუნველყოფს სააგენტო REGIONS.GE
 30 ნოემბერი 2019

1 დეკემბერს თელავის მუნიციპალიტეტის სოფელ კისისხევში არასამთავრობო ორგანიზაცია „ახალ ლიდერთა ინიციატივა“ პირველ რეგიონულ შეხვედრას გამართავს.

შეხვედრა 12:00 საათზე ღვინის ცენტრ ,, მოსმიერში” დაიწყება.

„ახალ ლიდერთა ინიციატივა“ დაფუძნდა 2019 წელს, რამდენიმე საზაფხულო ახალგაზრდული ბანაკის შედეგად.

ბანაკებში გადამზადება გაიარა საქართველოს სხვადასხვა რეგიონის მკვიდრმა 700-მა ახალგაზრდამ.

ღონისძიების ორგანიზატორების თქმით, კახეთის რეგიონული შეხვედრა იქნება NLI-ის მორიგი ფაზა – ნიჭიერი სტუდენტებისა და ახალგაზრდა ლიდერების პლატფორმა, რომელიც ითვალისწინებს რეგიონების განვითარების გეგმების შემუშავებას.

შეხვედრაზე დამსწრეებს სტუდენტები სიტყვით მიმართავენ. ისინი იმსჯელებენ იმ გამოწვევებზე, რომლის წინაშეც დგას ქვეყანა და კახეთის რეგიონი. ესენია: უმუშევრობა, რუსული რბილი ძალა, ინფრასტრუქტურის არარსებობა, ახალგაზრდებისთვის პერსპექტივის არარსებობა. მომხსენებლები ისაუბრებენ პრობლემების მოგვარების გზებზეც.

კახეთის შემდეგ, „ახალ ლიდერთა ინიციატივა“ გააგრძელებს ანალოგიურ შეხვედრებს სხვა რეგიონებში.

დასაკომენტარებლად გთხოვთ გაიაროთ ავტორიზაცია/რეგისტრაცია