შენახვა


გადაგზავნა

დაკომენტარება

სოფელ ნუკრიანში სიძემ სიმამრი მოკლა

ახალი ამბები
წყარო:  კახეთის ხმა / https://knews.ge/ 
სტატიაში გამოქვეყნებულ მასალაზე პასუხისმგებელია ავტორი გამოცემა
ინფორმაციის გავრცელებას უზრუნველყოფს სააგენტო REGIONS.GE
 03 დეკემბერი 2019

სიღნაღის მუნიციპალიტეტის სოფელ ნუკრიანში 61 წლის მამაკაცი მოკლეს.

61 წლის ფირუზ ჯანგულაშვილს სასიკვდილო ჭრილობა სავარაუდოდ სიძემ „გეკოს“ ტიპის ცეცხლსასროლი იარაღიდან კისრის არეში მიაყენა.

ადგილობრივების ინფორმაციით, მკვლელობა ოჯახურ კონფლიქტის ნიადაგზე მოხდა.

“მამაკაცი ცოლზე ხშირად ძალადობდა, რის გამოც ქალი პოლიციას იძახებდა. ქმარი მას ემუქრებოდა, რომ მამას მოუკლავდა”, – აცხადებენ ადგილობრივები.

მამაკაცი, რომელმაც სავარაუდოდ სიმამრი მოკლა, წარსულში ძალადობაზეა ნასამართლევი. ის შემთხვევის ადგილიდან მიიმალა.

როგორც knews.ge-ს შინაგან საქმეთა სამინისტროში განუცხადეს, გამოძიება საქართველოს სისხლის სამართლის კოდექსის 108-ე მუხლით მიმდინარეობს, რომელიც განზრახ მკვლელობას გულისხმობს.

დასაკომენტარებლად გთხოვთ გაიაროთ ავტორიზაცია/რეგისტრაცია