სამცხე-ჯავახეთი

შენახვა


გადაგზავნა

დაკომენტარება

გორელოვკაში წყლის მილზე უკანონო დაერთებების ჩაჭრა გაზაფხულამდე გადაიდო

საზოგადოება
წყარო:  სამხრეთის კარიბჭე / http://sknews.ge/ 
სტატიაში გამოქვეყნებულ მასალაზე პასუხისმგებელია ავტორი გამოცემა
ინფორმაციის გავრცელებას უზრუნველყოფს სააგენტო REGIONS.GE
 27 იანვარი 2020
სოფელში გვითხრეს, რომ უკანონო მიერთებებს სავარაუდოდ მაისში ჩაჭრიან, მაშინ როცა ამის საშუალებას ამინდი მისცემთ. ამ ეტაპზე სოფელს წყალი შეფერხების გარეშე მიეწოდება.„ამდენი წელია ვითმენთ და რამდენიმე თვესაც მოვითმენთ. იმიტომ რომ ყინვებია, თან საქონელი შეგვეცოდა, რომ ჩავუჭრათ წყალს ვეღარ დალევენ, თავს ზევით ძალა არაა“, - ამბობს გორელოვკის მკვიდრი ამირან მელაძე.სამცხე-ჯავახეთში მხარის რწმუნებულის მოადგილე, შალვა ბერძენიშვილი ამბობს, რომ გაზაფხულამდე პროექტი მომზადდება და ტენდერი გამოცხადდება.„რთულია უკანონო დაერთებების ადგილების ნახვა ახლა, რადგან ყინვა და თოვლია. პროექტი მზადდება, როგორც კი ამინდი საშუალებას მოგვცემს ყველა შემავალი და გამავალი ხაზები გაიყოფა და წყალი ყველასთან იქნება თანაბრად“, - ამბობს ბერძენიშვილი.მისი თქმით, ამ ეტაპზე უცნობია რამდენი ლარი დასჭირდება პროექტის განხორციელებას.სასმელი წყლის გაყოფის გამო სოფელ გორელოვკაში ნინოწმინდის მუნიციპალიტეტის საკრებულოს თავმჯდომარე, სუმბატ კიურეღიანსა და ჩაფინიანებს შორის დაპირისპირება, 16 იანვარს დაიწყო.20 იანვარს ადგილობრივებმა საპროტესტო აქცია გამართეს, ორი საათით გადაკეტეს საქართველო–სომხეთის დამაკავშირებელი ცენტრალური გზაც. ადგილობრივები ამბობენ, რომ სოფელს სასმელი წყალი არ ჰყოფნის რადგან, წყლის დიდი ნაწილი კიურეღიანების და კიდევ რამდენიმე ადგილობრივის ფერმაში მიდის. გარდა ამისა, პრობლემაა საძოვრებიც, მათი თქმით, გორელოვკაში ჰექტრობით მიწა ადგილობრივი ჩინოვნიკების ხელშია.[მარიამ ბარძიმაძე, ახალციხე]
დასაკომენტარებლად გთხოვთ გაიაროთ ავტორიზაცია/რეგისტრაცია